ຈີນ ທົດລອງລົດໄຟໃຕ້ດິນແບບບໍ່ມີຄົນຂັບ
ສຳລັບການພັດທະນາລົດໄຟໃຕ້ດິນແບບບໍ່ມີຄົນຂັບມີຈຸດປະສົງ ເພື່ອຫລຸດພະນັກງານລວມທັງຫລຸດຄ່າໃຊ້ຈ່າຍໃນການສ້ອມແປງ...
ເມື່ອບໍ່ດົນມານີ້, ເມືອງເຊິງຕູ ມົນທົນ ເສຊວນ ເປັນເມືອງທຳອິດທາງຕາເວັນຕົກສ່ຽງໃຕ້ຂອງຈີນ ແລະເປັນເມືອງທີ 4 ຕໍ່ຈາກ ຮົງກົງ, ນະຄອນຫລວງ ປັກກິ່ງ ແລະ ນະຄອນ ຊ່ຽງໄຮ້ ທີ່ມີການທົດລອງແລ່ນລົດໄຟໃຕ້ດິນແບບບໍ່ມີຄົນຂັບ. ລົດໄຟຂະບວນນີ້ປະກອບດ້ວຍຕູ້ໂດຍສານທັງໝົດ 8 ຕູ້, ຮອງຮັບຜູ້ໂດຍສານໄດ້ສູງສຸດ 3.500 ຄົນ ແລ່ນດ້ວຍຄວາມໄວອັດຕາສູງສຸດເຖິງ 100 ກິໂລແມັດ/ຊົ່ວໂມງ. ນອກນີ້ຍັງມີການອອກແບບມາ ເພື່ອຮອງຮັບຄວາມປອດໄພຂອງຜູ້ໂດຍສານເປັນສຳຄັນ. ສຳລັບການພັດທະນາລົດໄຟໃຕ້ດິນແບບບໍ່ມີຄົນຂັບມີຈຸດປະສົງ ເພື່ອຫລຸດພະນັກງານລວມທັງຫລຸດຄ່າໃຊ້ຈ່າຍໃນການສ້ອມແປງ. ຕະຫລອດໄລຍະ 10 ປີຜ່ານມາລະບົບລົດໄຟໃນ ຈີນ ມີການຂະຫຍາຍຕົວຢ່າງວ່ອງໄວ.
ເນື້ອໃນ: ຂປລ