ພື້ນຖານເສດຖະກິດຍີ່ປຸ່ນ ຟື້ນຟູຫຼັງໄພທຳມະຊາດ
ຕົວເລກຈາກລັດຖະບານຍີ່ປຸ່ນ ທີ່ໄດ້ນຳອອກມາເປີດເຜີຍເມື່ອວັນທີ 14 ກຸມພານີ້ ຊີ້ໃຫ້ເຫັນວ່າ ເສດຖະກິດຍີ່ປຸ່ນ ໃນໄຕມາດ 4/2018 ບັນລຸລະດັບຄວາມເຕີບໂຕ 1,4% ເມື່ອທຽບໃສ່ໄຕມາດດຽວກັນຂອງປີ 2017 ເປັນການສະແດງໃຫ້ເຫັນເຖິງການຟື້ນຟູທີ່ລະດັບພໍດ້າມພໍດີຫຼັງຈາກເກີດໄພພິບັດທາງທຳມະຊາດຫຼາຍລາຍເມື່ອລະດູແລ້ງປີກາຍ.
ລະດັບຄວາມເຕີບໂຕດັ່ງກ່າວແມ່ນໄດ້ຈາກຄວາມຕ້ອງການຢູ່ພາຍໃນປະເທດເພີ່ມຂຶ້ນ. ໃນນັ້ນການບໍລິໂພກຂອງສ່ວນບຸກຄົນເພີ່ມຂຶ້ນ 0,6% ຍ້ອນວ່າປະຊາຊົນໃຊ້ຈ່າຍຫຼາຍຂຶ້ນໃຫ້ແກ່ຄວາມຕ້ອງການດ້ານການທ່ອງທ່ຽວ ແລະການກິນດື່ມ. ໃນຂະນະດຽວກັນການໃຊ້ຈ່າຍທຶນຂອງບັນດາບໍລິສັດເພີ່ມຂຶ້ນ 2,4% ຍ້ອນວ່າບັນດາບໍລິສັດຂອງຍີ່ປຸ່ນ ນຳໃຊ້ລະດັບລາຍຮັບທີ່ສ້າງຖິຕິ ເພື່ອຊຸກຍູ້ຂອບຂະໜາດ ແລະສະມັດຕະພາບການຜະລິດ.
    |
 |
|
ພາບປະກອບຄັດຈາກ: vientianemai.net. |
ບັນດາຕົວເລກດັ່ງກ່າວຊີ້ໃຫ້ເຫັນວ່າເສດຖະກິດຍີ່ປຸ່ນ ພວມຟື້ນຟູຫຼັງເກີດໄພພິບັດທາງທຳມະຊາດຫຼາຍລາຍຕະຫຼອດລະດູແລ້ງປີກາຍເຊັ່ນຝົນຕົກໜັກເຮັດໃຫ້ເກີດນ້ຳນອງຢູ່ໃນເຂດພາກຕາເວັນຕົກພາຍຸເຮັດໃຫ້ສະໜາມບິນສາກົນກັນຊາຍ ຕ້ອງປິດການເຄື່ອນໄຫວ ແລະແຜ່ນດິນໄຫວຢູ່ທາງພາກເໜືອເຮັດໃຫ້ເສັ້ນທາງຂົນສົ່ງທີ່ສຳຄັນສາຍຕ່າງໆເປັນອຳມະພາດ.
ເມື່ອໄລ່ທັງ ປີ 2018 ເສດຖະກິດຍີ່ປຸ່ນ ບັນລຸລະດັບຄວາມເຕີບໂຕ 0,7%, ແລະກໍເປັນປີທີ 7 ທີ່ເຕີບໂຕຢ່າງຕໍ່ເນື່ອງ.
ຂ່າວ: ວຽງຈັນໃໝ່