ອາເມລິກາ ສືບຕໍ່ຮຽກຮ້ອງໃຫ້ ສ.ເກົາຫຼີ ເພີ່ມງົບປະມານໃຫ້ USFK
ວັນທີ 22 ມັງກອນ, ສຳນັກຂ່າວສານ Yonhap ໃຫ້ຂ່າວວ່າ, ໃນການຢ້ຽມຢາມທຳນຽບປະທານາທິບໍດີ ສ.ເກົາຫຼີ ເມື່ອເດືອນທັນວາ 2018, ທ່ານເອກອັກຄະລັດຖະທູດອາເມລິກາ ປະຈຳ ສ.ເກົາຫຼີ Harry Harris ໄດ້ຮຽກຮ້ອງໃຫ້ເຊີອຸ່ນ ເພີ່ມງົບປະມານໃຫ້ບັນດາກຳລັງອາເມລິກາ ພວມຕັ້ງທັບຢູ່ ສ.ເກົາຫຼີ (USFK) ຕື່ມອີກ.
ໃນການຢ້ຽມຢາມເມື່ອທ້າຍເດືອນທັນວາ 2018, ທ່ານ Harry Harris ໄດ້ເນັ້ນໜັກວ່າ, ຄວນລົງນາມໃນຂໍ້ຕົກລົງພິເສດກ່ຽວກັບການແບ່ງປັນງົບປະມານດ້ານການທະຫານສ.ເກົາຫຼີ - ອາເມລິກາ ຄັ້ງທີ 10 (SMA) ໂດຍໄວ, ຜ່ານນັ້ນຊ່ວຍໃຫ້ຂໍ້ຕົກລົງນີ້ໄດ້ປະກາດໃຊ້ໃນປີ 2019.
ກ່ຽວຂ້ອງເຖິງບັນຫາດັ່ງກ່າວ, ໃນວັນດຽວກັນ, ໜັງສືພິມ DongA Ilbo ກໍ່ໄດ້ໃຫ້ຂ່າວວ່າ, ໃນການພົບປະກັບທີ່ປຶກສາດ້ານການຮັກສາຄວາມໝັ້ນຄົງແຫ່ງຊາດ ສ.ເກົາຫຼີ Chung Eui yong, ທ່ານເອກອັກຄະລັດຖະທູດ Harry Harris ຖືວ່າ, ອາດຈະພິຈາລະນາວິທີການປະຕິບັດ “ສັນຍາປ້ອງກັນຮ່ວມລະຫວ່າງ ສ.ເກົາຫຼີ - ອາເມລິກາ” ຕາມຮູບການອື່ນ, ຖ້າຫາກ ສ.ເກົາຫຼີ ບໍ່ເພີ່ມງົບປະມານໃຫ້ກອງທັບອາເມລິກາ ທີ່ພວມຕັ້ງທັບຢູ່ປະເທດນີ້.
ແຫຼ່ງຄັດຈາກ: vovworld.vn