ການບຸກໂຈມຕີແນໃສ່ກຳລັງປົກປັກຮັກສາສັນຕິພາບສະຫະປະຊາຊາດຢູ່ ມາລີ
ວັນທີ 20 ມັງກອນ, ມືປືນຈຳນວນໜຶ່ງໄດ້ບຸກໂຈມຕີຖານທີ່ໝັ້ນຂອງຄະນະປະຕິບັດງານຮັກສາສັນຕິພາບສະຫະປະຊາຊາດຢູ່ Mali (MINUSMA) ຢູ່ພາກເໜືອປະເທດນີ້, ໄດ້ເຂັ່ນຂ້າພາລະກອນຊາວ Chad ຢ່າງໜ້ອຍສຸດ 8 ຄົນ ແລະ ອີກ 19 ຄົນອື່ນໆຖືກຮັບບາດເຈັບ. ພວກບຸກໂຈມຕີຈຳນວນໜຶ່ງຖືກດັບສູນ.
ເຫດບຸກໂຈມຕີແນໃສ່ຖານທີ່ໝັ້ນ Aguelhok, ຫ່າງຈາກ Kidal 200 ກິໂລແມັດໄປທາງທິດເໜືອໃກ້ກັບຊາຍແດນ Algeria.
MINUSMA ລວມມີພາລະກອນຮັກສາສັນຕິພາບ 13.000 ຄົນ ໄດ້ຖືກຜັນຂະຫຍາຍຢູ່ມາລີ ພາຍຫລັງພວກກະບົດອິດສະລາມຕີຢຶດຄອງພາກເໜືອປະເທດອາຟຣິກກາເໜືອ ນີ້ເມື່ອປີ 2012. ປີ 2015, ລັດຖະບານ ມາລີ ແລະບັນດາກຸ່ມກຳລັງປະກອບອາວຸດຢູ່ປະເທດນີ້ໄດ້ເຊັນຂໍ້ຕົກລົງສັນຕິພາບແນໃສ່ຟື້ນຟູສະຖຽນລະພາບຢູ່ປະເທດນີ້. ເຖິງຢ່າງໃດກໍ່ຕາມ, ບັນດາເຫດການໃຊ້ຄວາມຮຸນແຮງໂດຍພວກກະບົດອິດສະລາມປະຕິບັດຍັງຄົງສືບຕໍ່ດຳເນີນ.
ແຫຼ່ງຄັດຈາກ: vovworld.vn.