ສິງກະໂປ ຊຸກຍູ້ການສ້າງຕົວເມືອງສະຫລາດ
ຕາມຂ່າວສານຫວຽດນາມ, ວັນທີ 2 ເດືອນຕຸລາ, ເພື່ອແກ້ໄຂການທ້າທາຍຕ່າງໆກ່ຽວກັບພື້ນດິນ ແລະສິ່ງແວດລ້ອມໃນການດຳລົງຊິວິດ, ລັດຖະບານສິງກະໂປ ຈະສືບຕໍ່ຊອກຫາວິທີການຕ່າງໆ ແລະຜັນຂະຫຍາຍການແກ້ໄຂ “ການປະດິດສ້າງ ແລະຍືນຍົງ” ໃນການອອກແບບ ກໍ່ຄືການຄຸ້ມຄອງ, ກໍ່ສ້າງຕົວເມືອງບົນພື້ນຖານຜົນຜະລິດ ແລະເຕັກໂນໂລຊີ.
ທ່ານ ເຮັງວີກິດ ລັດຖະມົນຕີກະຊວງການເງິນສິງກະໂປ ກ່າວໃນພິທີໄຂກອງປະຊຸມລາຍການກ່ຽວກັບໂຄງສ້າງ ແລະການກໍ່ສ້າງ ສົກປີ 2018 ວ່າ, ອາຊີຈະສືບຕໍ່ເປັນພື້ນທ່ີພັດທະນາຢ່າງວ່ອງໄວທ່ີສຸດໃນໂລກໄປພ້ອມກັບອາຊຽນກາຍເປັນຕະຫລາດແຫ່ງດຽວອັນດັບ 4 ໃນປີ 2030 ໂດຍຈະໂດດເດັ່ນທາງດ້ານຄວາມຕ້ອງການເຊື່ອມຈອດໃນພາກພື້ນກ່ຽວກັບການກໍ່ສ້າງພື້ນຖານໂຄງລ່າງ.
ຂ່າວ: ຂປລ