ພາຍຸມັງຄຸດພັດເຂົ້າຈີນ ເສຍຊີວິດ-ບາດເຈັບ 200 ກວ່າຄົນ
ຕາມຂ່າວຕ່າງປະເທດ, ວັນທີ 16 ກັນຍາ, ສູນສັງເກດການສະພາບອາກາດເຂດຮົງກົງ (ເອຊເຄໂອ) ຂອງຈີນ ລາຍງານວ່າ: ມີຜູ້ເສຍຊີວິດຢ່າງໜ້ອຍ 2 ຄົນ ແລະບາດເຈັບ 200 ກວ່າຄົນໃນມົນທົນກວາງຕຸ້ງທາງຕອນໃຕ້ຂອງຈີນ ຈາກອິດທິພົນຂອງພາຍຸໄຕ້ຝຸ່ນມັງຄຸດ ພັດຖະຫລົ່ມ.
ຂະນະນີ້ໄດ້ຫລຸດລະດັບເຕືອນໄພສະພາບອາກາດຮ້າຍແຮງຈາກອິດທິພົນຂອງພາຍຸລົງແລ້ວຈາກທີ10 ເປັນລະດັບສູງສຸດເຫລືອ ທີ 3, ຫລັງຈາກພາຍຸເຄື່ອນຕົວຜ່ານເກາະຮົ່ງກົງດ້ວຍຄວາມແຮງສູງສຸດໃກ້ສູນກາງ 195 ກິໂລແມັດ ຕໍ່ຊົ່ວໂມງ, ສົ່ງຜົນກະທົບຕໍ່ພື້ນຖານໂຄງລ່າງ ແລະຊັບສິນອື່ນໆ. ຂະນະທີ່ຜູ້ໂດຍສານຫລາຍກວ່າ 100.000 ຄົນຕົກຄ້າງຢູ່ສະໜາມບິນຫລັງຈາກສາຍການບິນ ທຸກແຫ່ງ ຢຸດໃຫ້ບໍລິການຖ້ຽວບິນຢ່າງໜ້ອຍ 889 ຖ້ຽວ ແລະອື່ນໆ.
ເນື້ອໃນ: ຂປລ