ສະພາແຫ່ງຊາດກໍາປູເຈຍ ເລືອກຕັ້ງບັນດາຕໍາແໜ່ງຫຼັກແຫຼ່ງ
ກປ.ອອນໄລ - ຕອນເຊົ້າວັນທີ 6 ກັນຍາ, ໂດຍສືບຕໍ່ກອງປະຊຸມຄັ້ງປະຖົມມະລືກ, ສະພາແຫ່ງຊາດກໍາປູເຈຍ ຊຸດທີ VI ໄດ້ຮັບຮອງເອົາບັນຊີລາຍຊື່ຂອງບັນດາສະມາຊິກສະພາແຫ່ງຊາດ ແລະປ່ອນບັດໄວ້ວາງໃຈຄະນະລັດຖະບານອາຍຸການ 2018 - 2023.
ຕາມນັ້ນແລ້ວ, ກົງຈັກການນໍາສະພາແຫ່ງຊາດກໍາປູເຈຍ ຊຸດທີ VI ລວມມີ: ທ່ານ Heng Samrin ດໍາລົງຕໍາແໜ່ງເປັນປະທານສະພາແຫ່ງຊາດ, ຮອງປະທານສະພາແຫ່ງຊາດ 2 ທ່ານ ແລະປະທານກໍາມາທິການຂອງສະພາແຫ່ງຊາດ 10 ທ່ານ. ສະມາຊິກລັດຖະບານແຫ່ງລາຊະອານາຈັກກໍາປູເຈຍ ອາຍຸການ 2018 - 2023 ລວມມີ: ທ່ານນາຍົກລັດຖະມົນຕີ Hun Sen ແລະຮອງນາຍົກລັດຖະມົນຕີ 10 ທ່ານ, ລັດຖະມົນຕີຂັ້ນສູງ 17 ທ່ານ ແລະລັດຖະມົນຕີ 29 ທ່ານ.
|
|
ເຈົ້າຊີວິດ Norodom Sihamoni ຖ່າຍຮູບກັບບັນດາສະມາຊິກສະພາແຫ່ງຊາດກໍາປູເຈຍ ຊຸດທີ VI. ພາບ: Freshnew. |
ຕອນບ່າຍວັນດຽວກັນ, ທ່ານນາຍົກລັດຖະມົນຕີ Hun Sen ແລະຄະນະລັດຖະບານຊຸດໃໝ່ຈະດໍາເນີນການປະຕິຍານຕົນຮັບດໍາລົງຕໍາແໜ່ງຕໍ່ເຈົ້າຊີວິດ Norodom Sihamoni ຢູ່ພະລາຊະວັງ.
ໂດຍ: ຫງວຽນກຸກ