ກູບາ ສະເຫຼີມສະຫຼອງ 45 ປີແຫ່ງການມາຢ້ຽມຢາມ ຫວຽດນາມ ຄັ້ງປະຫວັດສາດຂອງຜູ້ນຳ Fidel
ກປ.ອອນໄລ - ວັນທີ 3 ກັນຍາ, ທີ່ອະນຸສາວະລີປະທານ ໂຮ່ຈິມິນ ຢູ່ນະຄອນຫຼວງ ລາຮາວານ, ຄະນະພົວພັນຕ່າງປະເທດສູນກາງພັກກອມມູກິດ ກູບາ, ສະຖາບັນ ກູບາ ມິດຕະພາບກັບບັນດາເຜົ່າ (ICAP), ຄະນະກຳມະການປົກປັກຮັກສາການປະຕິວັດ (CDR) ໄດ້ຈັດຕັ້ງການເຄື່ອນໄຫວທຳອິດມຸ່ງໄປເຖິງພິທີສະເຫຼີມສະຫຼອງ 45 ປີແຫ່ງການມາຢ້ຽມຢາມ ຫວຽດນາມ ຄັ້ງປະຫວັດສາດຂອງຜູ້ນຳ Fidel ໃນເດືອນກັນຍາ 1973.
ກ່າວຄຳເຫັນທີ່ອະນຸສາວະລີ, ທ່ານ José Prieto Cintado ຮອງປະທານ ICAP ໄດ້ຫວນຄືນການຢ້ຽມຢາມປະເທດບ້ານເກີດເມືອງນອນຂອງປະທານ ໂຮ່ຈິມິນ ຄັ້ງທຳອິດຂອງຜູ້ນຳ Fidel.
|
|
ຜູ້ນຳ ກູບາ Fidel Castro ພົບປະກັບບັນດານັກຮົບໃນຄະນະ ແຄແຊງ ທະຫານປົດປ່ອຍ ຈິ້ທຽນ - ເຫວ້. ພາບ: ເອກະສານສຳນັກຂ່າວສານຫວຽດນາມ. |
ອວຍພອນບັນດາຜົນງານພັດທະນາປະເທດຂອງພັກ ແລະປະຊາຊົນຫວຽດນາມ, ທ່ານ José Prieto Cintado ຮອງປະທານ ICAP ຢືນຢັນວ່າບັນດາການເຄື່ອນໄຫວ, ຖະແຫຼງການອະມະຕະຂອງຜູ້ນຳ Fidel ກ່ຽວກັບນ້ຳໃຈສາມັກຄີກັບ ຫວຽດນາມ ແມ່ນຊັບສົມບັດອັນລ້ຳຄ່າໃນປະຫວັດສາດການພົວພັນສອງປະເທດ ແລະແມ່ນສັນຍາລັກທີ່ມີຊີວິດຊີວາກ່ຽວກັບຄຸນນະທາດ, ເຈດຈຳນົງ ແລະຄວາມສຸດອົກສຸດໃຈໃນການປະຕິວັດຂອງທ່ານ Fidel, ເປັນແບບຢ່າງໃຫ້ລຸ້ນຊາວໜຸ່ມ ກູບາ ໃນປັດຈຸບັນ.
ຄາດຄະເນວ່າການເຄື່ອນໄຫວສະເຫຼີມສະຫຼອງຈະໄດ້ດຳເນີນຢູ່ເກືອບທຸກແຂວງຂອງ ກູບາ ແລະພິທີຢ່າງເປັນທາງການຈະຈັດຕັ້ງໃນວັນທີ 12 ກັນຍາ.
ໂດຍ: ທູຮັ່ງ