ໄທ ມອບເຄື່ອງບັນເທົາທຸກແກ່ຜູ້ປະສົບໄພນ້ຳຖ້ວມຢູ່ອັດຕະປື
ເຄືອຂ່າຍຜູ້ປະສົບໄພ ຊຶນາມິ ແລະມູນນິທິ ໄທພີບີເອສ ຮ່ວມກັບມູນນິທິຊ່ວຍເຫລືອຄົນທຸກຍາກ ແຫ່ງ ສປປ ລາວ ໄດ້ນຳເອົາເຄື່ອງຊ່ວຍເຫລືອບັນເທົາທຸກປະເພດເຂົ້າສານອາຫານແຫ້ງ ແລະເຄື່ອງອຸປະໂພກ-ບໍລິໂພກ, ລວມທັງຢາປົວພະຍາດໄປມອບໃຫ້ສູນຮັບບໍລິຈາກ ຂອງເມືອງສະໜາມໄຊ ແຂວງອັດຕະປື ເພື່ອນຳໄປແຈກຢາຍ ໃຫ້ປະຊົນຜູ້ປະສົບໄພພິບັດນ້ຳຖ້ວມ. ພ້ອມດຽວກັນນັ້ນຍັງໄດ້ມອບເຄື່ອງຊ່ວຍເຫລືອໃຫ້ໜ່ວຍກູ້ໄພກອງທັບປະຊາຊົນລາວ ທີ່ປະຕິບັດໜ້າທີ່ປະຈຳຢູ່ພາກສະໜາມລວມມູນຄ່າທັງໝົດກວ່າ 2 ແສນບາດ. ກ່າວມອບເຄື່ອງຊ່ວຍເຫລືອໃນຄັ້ງນີ້ໂດຍແມ່ນທ່ານ ໄມຕຣີ ຈົງໄກຣຈັກ ຕາງໜ້າເຄືອຂ່າຍຜູ້ປະສົບໄພຊຶນາມິກ່າວຮັບໂດຍ ທ່ານ ພູວັນ ມະນີໂສດ ຮອງເລຂາພັກເມືອງ ແລະທ່ານ ພົຈ ຜາລົມ ລິນທອງ ຮອງຫົວໜ້າກົມໃຫຍ່ການເມືອງກອງທັບຜູ້ບັນຊາການໜ່ວຍກູ້ໄພພາກສະໜາມ.