ຕາມ Reuters, ວັນທີ 11 ສິງຫາ, ທ່ານ Tayyip Erdogan ປະທານາທິບໍດີຕວກກີ ໃຫ້ຮູ້ວ່າ, ປະເທດນີ້ພວມກະກຽມນຳໃຊ້ສະກຸນເງິນພາຍໃນປະເທດ Lira ໃນບັນດາການເຄື່ອນໄຫວທຸລະກຳດ້ານການຄ້າກັບ ຈີນ, ລັດເຊຍ ແລະ ອູແກຣນ. ທ່ານ Erdogan ໃຫ້ຮູ້ຕື່ມອີກວ່າ, ຕວກກີ ພ້ອມແລ້ວທີ່ຈະສ້າງຕັ້ງລະບົບຄ້າຍຄືກັນກັບບັນດາປະເທດເອີລົບ ທີ່ກຳລັງຢາກຫຼຸດພົ້ນອອກຈາກແຮງກົດດັນຂອງສະກຸນເງິນສະຫະລັດ.
ທ່ານປະທານາທິບໍດີຕວກກີ ອອກຖະແຫຼງການດັ່ງກ່າວພາຍຫຼັງທີ່ທ່ານ Donald Trump ປະທານາທິບໍດີອາເມລິກາ ອະນຸຍາດໃຫ້ເພີ່ມອັດຕາພາສີສຳລັບອາລູມິນຽມ, ເຫຼັກນຳເຂົ້າຈາກປະເທດຕວກກີ ຂຶ້ນທົບສອງເທົ່າ, ໝາຍຄວາມວ່າ 50% ສຳລັບເຫຼັກແລະ 20% ສຳລັບອາລູມີນຽມ. ການກະທຳນີ້ເຮັດໃຫ້ເງິນ Lira ຂອງປະເທດນີ້ສືບຕໍ່ຖືກຫຼຸດລົງຢ່າງແຮງນັບແຕ່ປີ 2001.
ໂດຍ: ສົມເພັດ
Type the code from the image