ສື່ມວນຊົນລາວ ໄດ້ຮັບການພັດທະນາກ້າວຂຶ້ນສູ່ພາກພື້ນ-ສາກົນ
ເນື່ອງໃນໂອກາດສະເຫລີມສະຫລອງວັນສື່ມວນຊົນ ຄົບຮອບ 68 ປີ (13 ສິງຫາ 1950 - 13 ສິງຫາ 2018), ທ່ານ ສະຫວັນຄອນ ລາຊະມຸນຕີ ຮອງລັດຖະມົນຕີກະຊວງຖະແຫລງຂ່າວ, ວັດທະນະທຳ ແລະທ່ອງທ່ຽວ, ທັງເປັນຜູ້ຊີ້ນຳວຽກງານຖະແຫລງຂ່າວ ໄດ້ໃຫ້ສຳ ພາດຕໍ່ສື່ມວນຊົນໃນວັນທີ 10 ສິງຫາ 2018 ນີ້ວ່າ...
ໃນຍຸກການເຊື່ອມໂຍງ ຫລື ໃນຍຸກໂລກາພິວັດ, ສື່ມວນຊົນລາວໄດ້ມີໂອກາດພັດທະນາຕົນເອງໃນທຸກດ້ານ, ມີຜົນປະໂຫຍດຈາກການເຊື່ອມໂຍງສາກົນໂດຍສະເພາະໄດ້ຮັບການພັດທະນາທາງດ້ານເຄື່ອງມື, ອຸປະກອນໃຫ້ທັນສະໄໝຂຶ້ນ, ບຸກຄະລາກອນດ້ານສື່ມວນຊົນກໍໄດ້ມີໂອກາດໄດ້ພັດທະນາຕົນເອງໃຫ້ມີຄວາມຮູ້, ມີຄວາມສາມາດທາງດ້ານວິຊາສະເພາະ, ວິຊາຊີບ ແລະມີໂອກາດໄດ້ເຂົ້າຮ່ວມເວທີປຶກສາຫາລືໃນວຽກງານຂອງຕົນ ຢູ່ໃນພາກພື້ນ ແລະສາກົນ.
|
|
ທ່ານ ສະຫວັນຄອນ ລາຊະມຸນຕີ, ຮອງລັດຖະມົນຕີກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວລາວ. ພາບ: kpl.gov.la. |
ທ່ານຮອງລັດຖະມົນຕີ ຍັງໃຫ້ຮູ້ວ່າ: ໃນຍຸກແຫ່ງການເຊື່ອມໂຍງຢູ່ໃນສາກົນສື່ມວນຊົນລາວມີຄວາມພ້ອມໃນການປະຕິບັດຫນ້າທີ່, ຮັບໃຊ້ພາລະກິດປົກປັກຮັກສາ ແລະພັດທະນາປະເທດຊາດໃນໄລຍະໃໝ່ຕາມພາລະບົດບາດຂອງສື່່ມວນຊົນ ແລະເຮັດຫນ້າທີ່ໃນການສື່ສານລະຫວ່າງລາວກັບພາກພື້ນ ແລະບັນດາປະເທດໃຫ້ເກີດມີຄວາມເຂົ້າໃຈກ່ຽວກັບປະເທດລາວ ທີ່ມີການພັດທະນາໃນຫລາຍດ້ານ ແລະມີຜົນສຳເລັດເປັນກ້າວໆ.
ຈາກການລາຍງານຂ່າວຜ່ານສື່ມວນຊົນຂອງລາວເຮັດໃຫ້ບັນດາປະເທດເພື່ອນມິດ ກໍຄື ວົງຄະນາຍາດສາກົນໄດ້ມີຄວາມຮັບຮູ້ ຄວາມເຂົ້າໃຈກ່ຽວກັບການປ່ຽນແປງ ແລະການພັດທະນາຂອງປະເທດເຮົາ; ພ້ອມໂຄດຽວກັນກໍມີຄວາມສາມາດໃນການຊີ້ແຈງອະທິບາຍກ່ຽວກັບວັດທະນະທຳ-ສັງຄົມຂອງປະເທດລາວ, ລວມທັງລະບອບການເມືອງ ແລະສາມາດຕອບໂຕ້ຄວາມພະຍາ ຍາມໂຄສະນາໃສ່ຮ້າຍປ້າຍສີ ແລະການໂຄສະນາບິດເບືອນຄວາມຈິງຂອງກຸ່ມທີ່ບໍ່ຫວັງດີຕໍ່ປະເທດຂອງເຮົາໄດ້ໃນລະດັບທີ່ແນ່ ນອນ.
ຂ່າວ: ສົມຫວັງ