ກໍາປູເຈຍ ຈະສ້າງຕັ້ງລັດຖະບານໃໝ່ໃນຕົ້ນເດືອນຈະມາເຖິງ
ກປ.ອອນໄລ - ຕາມສຳນັກຂ່າວສານ Reuters ແລ້ວ, ໃນວັນທີ 8 ສິງຫາ, ກ່າວຄໍາເຫັນຕໍ່ກຳມະກອນຫຼາຍພັນຄົນຢູ່ແຂວງ Kampong Speu, ທ່ານ ສົມເດັດ ເຕໂຈ ຮຸນແຊນ ນາຍົກລັດຖະມົນຕີກໍາປູເຈຍ ໄດ້ແຈ້ງໃຫ້ຊາບກ່ຽວກັບການເປີດວາລະກອງປະຊຸມຂອງສະພາແຫ່ງຊາດຊຸດໃໝ່ໃນວັນທີ 5 ກັນຍາ, ເຊິ່ງໄວກວ່າການຄາດຄະເນກ່ອນນັ້ນແມ່ນວັນທີ 20 ກັນຍາ. ຕາມທ່ານນາຍົກລັດຖະມົນຕີ ຮຸນແຊນ ແລ້ວ, ການເປີດວາລະກອງປະຊຸມສະພາແຫ່ງຊາດ ໂດຍເຈົ້າກະສັດ Norodom Sihamoni ເປັນປະທານ.
ສະພາແຫ່ງຊາດຈະປ່ອນບັດສ້າງຕັ້ງລັດຖະບານໃໝ່. ພາຍຫຼັງໄດ້ຮັບການສ້າງຕັ້ງ, ວາລະປະຊຸມທໍາອິດຂອງລັດຖະບານໃໝ່ຈະດໍາເນີນໃນວັນທີ 7 ກັນຍາ.
|
|
ທ່ານ ສົມເດັດ ເຕໂຈ ຮຸນແຊນ ນາຍົກລັດຖະມົນຕີກໍາປູເຈຍ. ພາບ: ສໍານັກຂ່າວສານຫວຽດນາມ. |
ເຖິງວ່າ, ຮອດກາງເດືອນ ສິງຫາ, ຜົນການເລືອກຕັ້ງຈຶ່ງໄດ້ຮັບການປະກາດຢ່າງເປັນທາງການກໍ່ຕາມ, ແຕ່ຕາມທ່ານນາຍົກລັດຖະມົນຕີ ຮຸນແຊນ ແລ້ວ, ພັກປະຊາຊົນກໍາປູເຈຍ (CPP) ກຳອໍານາດຂອງທ່ານໄດ້ຮັບການຄາດຄະເນວ່າຈະຍາດໄດ້ 125 ທີ່ນັ່ງໃນສະພາແຫ່ງຊາດ.
ໂດຍ: ເກື່ອງດັ້ງ