ໄຟໄໝ້ປ່າຢູ່ລັດຄາລີຟໍເນຍ ເປັນ “ໄພພິບັດຮ້າຍແຮງ”
ປະທານາທິບໍດີ ສ.ອາເມລິກາ ໂດນາລ ທຣຳ ຖະແຫຼງເມື່ອວັນທີ 5 ສິງຫານີ້ວ່າໄຟໄໝ້ປ່່າທີ່ເກີດຂຶ້ນຢູ່ໃນພື້ນທີ່ລັດຄາລີຟໍເນຍ ເປັນ "ໄພພິບັດຮ້າຍແຮງ" ແລະໄດ້ອອກຄຳສັ່ງໃຫ້ລະດົມຄັງເງິນສ່ວນກາງ ເພື່ອຊ່ວຍເຫຼືອຄວາມມານະພະຍາຍາມໃນການຟື້ນຟູຢູ່ໃນເຂດທີ່ໄດ້ຮັບຜົນກະທົບ.
ການຕົກລົງດັ່ງກ່າວຂອງປະທານາທິບໍດີ ທຣຳ ຈະເປັນການສ້າງເງື່ອນໄຂ ເພື່ອໃຫ້ປະຊາຊົນວິສາຫະກິດອຳນາດການປົກຄອງໃນຕົວເມືອງ ແລະທ້ອງຖິ່ນຕ່າງໆເຂົ້າຫາແຫຼ່ງຄັງເງິນສ່ວນກາງການຊ່ວຍເຫຼືອສະບຽງອາຫານຕະຫຼອດຮອດໂຄງການຊ່ວຍເຫຼືອອື່ນໆໄດ້ຢ່າງສະດວກກວ່າເກົ່າ.
|
|
ໄຟໄໝ້ປ່າຢູ່ລັດຄາລີຟໍເນຍ. ພາບ: ສໍານັກຂ່າວສານຫວຽດນາມ. |
ໄລ່ມາຮອດວັນທີ 4 ສິງຫານີ້ມີຜູ້ເສຍຊີວິດແລ້ວ 7 ຄົນຈາກເຫດການໄຟໄໝ້ປ່າ ຊຶ່ງໄດ້ຮັບການກຳນົດວ່າຮ້າຍແຮງທີ່ສຸດໃນປະຫວັດສາດຂອງລັດຄາລີຟໍເນຍ. ໄລ່ມາຮອດທ້າຍອາທິດທີ່ຜ່ານມາໄຟໄໝ້ປ່າເປັນບໍລິເວນກວ້າງໄດ້ເຜົາຜານໃນເນື້ອທີ່ກວ່າ 117.300 ເຮັກຕາເປັນຕົວເລກຫຼາຍທົບສອງເທົ່າຕົວຂອງລະດັບສະເລ່ຍໃນ 5 ປີທີ່ຜ່ານມາຢູ່ໃນລັດດັ່ງກ່າວ.
ຂ່າວ: ວຽງຈັນໃໝ່.