ກອງປະຊຸມສຸດຍອດການນໍາ G7
ກປ.ອອນໄລ - ຕອນເຊົ້າວັນທີ 9 ມິຖຸນາ ຕາມເວລາທ້ອງຖິ່ນ, ການນໍາບັນດາປະເທດສະມາຊິກກຸ່ມບັນດາປະເທດອຸດສາຫະກໍາພັດທະນາ (G7) ໄດ້ປະຊຸມປຶກສາຫາລືໂຕະມົນຢູ່ Charlevoix, Quebec, ພາຍໃຕ້ການເປັນປະທານຂອງທ່ານ Justin Trudeau ນາຍົກລັດຖະມົນຕີປະເທດເຈົ້າພາບການາດາ .
|
|
ທ່ານນາງ Angela Merkel ນາຍົກລັດຖະມົນຕີເຢຍລະມັນ (ຊ້າຍ), ທ່ານ Emmanuel Macron ປະທານາທິບໍດີຝຣັ່ງ (ກາງ) ແລະທ່ານນາງ Theresa May ນາຍົກລັດຖະມົນຕີອັງກິດ ທີ່ກອງປະຊຸມ. ພາບ: EPA. |
ເຖິງວ່າຫົວຂໍ້ຕົ້ນຕໍຂອງກອງປະຊຸມປີນີ້ລວມມີການເພີ່ມທະວີການລົງທຶນກໍ່ຄືການສ້າງວຽກເຮັດງານທໍາເພື່ອຊຸກຍູ້ການເຕີບໂຕ ແລະຄວາມສະເໝີພາບລະຫວ່າງຍິງ-ຊາຍກໍ່ຕາມ, ແຕ່ຄວາມເຄັ່ງຕຶງດ້ານການຄ້າລະຫວ່າງອາເມລິກາ ແລະບັນດາປະເທດພັນທະມິດ ຄາດວ່າຈະປົກຄຸມທັງ 2 ມື້ດໍາເນີນກອງປະຊຸມ. ປັດຈຸບັນບັນດາປະເທດສະມາຊິກທີ່ຍັງເຫຼືອຂອງ G7 ລ້ວນແຕ່ຢືນຢັນວ່າຈະສະແດງໃຫ້ເຫັນຫຼັກໝັ້ນເດັດດ່ຽວກັບປະທານາທິບໍດີອາເມລິກາ Donald Trump ໃນບັນດາວາລະປຶກສາຫາລື, ເຖິງວ່າຈະບໍ່ເຄັ່ງຕຶງຫຼາຍເກີນໄປຍ້ອນຄວາມວິຕົກກັງວົນອາດຈະພາໄປເຖິງສົງຄາມການຄ້າຂະໜາດໃຫຍ່.
ອີກບັນຫາໜຶ່ງທີ່ພວມພົ້ນເດັ່ນຢູ່ກອງປະຊຸມສຸດຍອດ G7 ປີນີ້ແມ່ນເລື່ອງ ອາເມລິກາ ໄດ້ຮຽກຮ້ອງຢຸດຕິການປັດເຂ່ຍ ລັດເຊຍ ອອກຈາກກຸ່ມດັ່ງກ່າວ, ພ້ອມທັງເນັ້ນໜັກເຖິງບົດບາດຂອງມົດສະກູ ທີ່ບັນດາກອງປະຊຸມສຸດຍອດ G7.
ແປໂດຍ: ຮວ່າງເຈື່ອງ