ສປປ.ເກົາຫຼີ ຈັດຕັ້ງກອງປະຊຸມຂັ້ນສູງກ່ຽວກັບແນວທາງຍຸດທະສາດໃໝ່
ກປ.ອອນໄລ - ວັນທີ 1 ພຶດສະພາ, ສຳນັກຂ່າວສານສູນກາງ ສປປ. ເກົາຫຼີ (KCNA) ໃຫ້ຂ່າວວ່າ, ປະເທດນີ້ໄດ້ຈັດຕັ້ງກອງປະຊຸມບັນດາເຈົ້າໜ້າທີ່ອາວຸໂສຂອງພັກ, ລັດ ແລະກອງທັບເພື່ອແນໃສ່ປຶກສາຫາລືບັນດາມາດຕະການຊຸກຍູ້ແນວທາງຍຸດທະສາດໃໝ່ກ່ຽວກັບການສ້າງເສດຖະກິດຄືນໃໝ່.
ຕາມ KCNA ແລ້ວ, ວັນທີ 1 ພຶດສະພາ, ທ່ານ Choe Ryong-hae ຮອງປະທານຄະນະບໍລິຫານງານສູນກາງພັກແຮງງານ ແລະທ່ານ Park Pong-ju ນາຍົກລັດຖະມົນຕີ ສປປ. ເກົາຫຼີ ໄດ້ເປັນປະທານຮ່ວມກອງປະຊຸມທີ່ດຳເນີນຢູ່ ພຽງຢາງ.
|
|
ທ່ານ Kim Jong-un ການນໍາ ສປປ. ເກົາຫຼີ. ພາບ: Yonhap. |
KCNA ໃຫ້ຮູ້ວ່າ, “ທີ່ກອງປະຊຸມຄັ້ງນີ້, ບັນດາຜູ້ແທນໄດ້ປຶກສາຫາລືກ່ຽວກັບບັນດາບັນຫາຂອງໂຄງການດຳເນີນງານທີ່ມຸ່ງໄປເຖິງເລື່ອງປະຕິບັດການຊາບຊຶມເພື່ອໃຫ້ແນວທາງຍຸດທະສາດໃໝ່ໂດຍກອງປະຊຸມຄົບຄະນະ ຄະນະບໍລິຫານງານສູນກາງພັກໄດ້ວາງອອກໃນເດືອນເມສາ 2018, ເພື່ອແນໃສ່ຊຸກຍູ້ການຫັນປ່ຽນທີ່ມີລັກສະນະປະຕິວັດໃນບັນດາໂຄງການວິທະຍາສາດ ແລະການສຶກສາ”.
ໃນເຫດການທີ່ກ່ຽວຂ້ອງ, ກອງທັບປະຊາຊົນ ສ.ເກົາຫຼີ ກໍ່ມີແຜນການອະນຸຍາດໃຫ້ວົງການສື່ມວນຊົນຕິດຕາມເພື່ອໃຫ້ຂ່າວກ່ຽວກັບການເລີ່ມເຄື່ອນໄຫວຍົກເລີກລະບົບໂທລະໂຄ່ງຢູ່ເຂດຊາຍແດນ Paju, ແຂວງ Gyeonggi ໃນຕອນບ່າຍວັນທີ 1 ພຶດສະພາ.
ແປໂດຍ: ເກື່ອງດັ້ງ