ທ່ານນາງ A.Merkel ໄດ້ຮັບໄຊຊະນະໃນການເລືອກຕັ້ງເປັນນາຍົກລັດຖະມົນຕີເຢັຍລະມັນ ອາຍຸການທີ 4
ກປ.ອອນໄລ - ໃນການປ່ອນບັດເລືອກຕັ້ງຢູ່ສະພາແຫ່ງຊາດເຢັຍລະມັນ, ທ່ານນາງ A.Merkel ໄດ້ຮັບບັດສະໜັບສະໜູນ 364 ບັດໃນຍອດຈຳນວນສະມາຊິກລັດຖະສະພາ 709 ຄົນ...
ວັນທີ 14 ມີນາ, ສະພາແຫ່ງຊາດເຢັຍລະມັນ ໄດ້ປ່ອນບັດຮັບຮອງເອົາສະມາຊິກລັດຖະບານໃໝ່ຂອງປະເທດນີ້, ຕາມນັ້ນແລ້ວທ່ານນາງ A.Merkel ໄດ້ຮັບໄຊຊະນະໃນການເລືອກຕັ້ງເປັນນາຍົກລັດຖະມົນຕີ ອາຍຸການທີ 4.
|
|
ທ່ານນາງ Angela Merkel ນາຍົກລັດຖະມົນຕີເຢັຍລະມັນ ໃນການປະຊຸມຂ່າວຢູ່ Berlin ວັນທີ 12 ມີນາ. ພາບ: ສໍານັກຂ່າວສານຫວຽດນາມ. |
ໃນການປ່ອນບັດເລືອກຕັ້ງຢູ່ສະພາແຫ່ງຊາດເຢັຍລະມັນ, ທ່ານນາງ A.Merkel ໄດ້ຮັບບັດສະໜັບສະໜູນ 364 ບັດໃນຍອດຈຳນວນສະມາຊິກລັດຖະສະພາ 709 ຄົນ. ມີບັດຂາວ 9 ບັດໃນການປ່ອນບັດເລືອກຕັ້ງ.
ລັດຖະບານໃໝ່ຂອງເຢັຍລະມັນ ລວມມີສະມາຊິກ 17 ຄົນ, ໂດຍທ່ານນາງ A.Merkel ນາຍົກລັດຖະມົນຕີ ເຢັຍລະມັນ ນໍາໜ້າ. ນີ້ແມ່ນອາຍຸການເປັນນາຍົກລັດຖະມົນຕີ ທີ 4 ຢ່າງລຽນຕິດຂອງທ່ານນາງ Merkel.
ແປໂດຍ: ຫງວຽນກຸກ