ຍີ່ປຸ່ນ, ຈີເລ ຊຸກຍູ້ການປະຕິບັດ CPTPP ໂດຍໄວ
ກປ.ອອນໄລ - ໃນການພົບປະຢູ່ນະຄອນຫຼວງ ໂຕກຽວ, ທ່ານ Toshimitsu Motegi ລັດຖະມົນຕີຮັບຜິດຊອບເຈລະຈາກ່ຽວກັບ CPTPP ຂອງຍີ່ປຸ່ນ ແລະທ່ານ Heraldo Munoz ລັດຖະມົນຕີການຕ່າງປະເທດຈີເລ ໄດ້ເຫັນດີເປັນເອກະພາບກ່ຽວກັບການຮ່ວມມືລະຫວ່າງສອງປະເທດ...
ວັນທີ 23 ກຸມພາ, ຍີ່ປຸ່ນ ແລະຈີເລ ໄດ້ເຫັນດີເປັນເອກະພາບຮ່ວມມືຢ່າງແໜ້ນແຟ້ນເພື່ອສັນຍາຄູ່ຮ່ວມມືກ້າວໜ້າ ແລະຮອບດ້ານຂ້າມປາຊີຟິກ (CPTPP) ມີຜົນສັກສິດໃນໄລຍະໄວທີ່ສຸດທີ່ສາມາດເປັນໄປໄດ້ພາຍຫຼັງລົງນາມຢ່າງເປັນທາງການໃນເດືອນໜ້າ. ໃນການພົບປະຢູ່ນະຄອນຫຼວງ ໂຕກຽວ, ທ່ານ Toshimitsu Motegi ລັດຖະມົນຕີຮັບຜິດຊອບເຈລະຈາກ່ຽວກັບ CPTPP ຂອງຍີ່ປຸ່ນ ແລະທ່ານ Heraldo Munoz ລັດຖະມົນຕີການຕ່າງປະເທດຈີເລ ໄດ້ເຫັນດີເປັນເອກະພາບກ່ຽວກັບການຮ່ວມມືລະຫວ່າງສອງປະເທດ. ຄາດຄະເນວ່າ, 11 ປະເທດສະມາຊິກຈະເຂົ້າຮ່ວມພິທີລົງນາມໃນສັນຍາ CPTPP ໃນວັນທີ 8 ມີນາ ຈະມາເຖິງຢູ່ ຈີເລ. ບັນດາປະເທດປາຖະໜາວ່າຂໍ້ຕົກລົງນີ້ຈະມີຜົນສັກສິດໃນເຄິ່ງຕົ້ນປີຈະມາເຖິງໃນທັນທີ.
|
|
ທ່ານ Heraldo Munoz ລັດຖະມົນຕີການຕ່າງປະເທດຈີເລ. ພາບ: eldinamo.cl |
11 ປະເທດເຂົ້າຮ່ວມ CPTPP ໄດ້ສໍາເລັດສະບັດປັງປຸງຂອງສັນຍານີ້ໃນເດືອນ ມັງກອນ ຜ່ານມາພາຍຫຼັງທີ່ທ່ານປະທານາທິບໍດີ Donald Trump ຖອນອາເມລິກາ ອອກຈາກຂໍ້ຕົກລົງເພື່ອປົກປັກຮັກສາວຽກເຮັດງານທໍາພາຍໃນປະເທດ. ເຖິງຢ່າງໃດກໍ່ຕາມ, ຫວ່າງແລ້ວນີ້, ທ່ານປະທານາທິບໍດີ Donald Trump ໄດ້ເວົ້ົ້າກ່ຽວກັບຄວາມອາດສາມາດກັບຄືນຖ້າຫາກ Washington ບັນລຸໄດ້ຂໍ້ຕົກລົງທີ່ດີກວ່າ.
ແປໂດຍ: ຈາງຫງວຽນ