ປະຊາຊົນ 38.600 ກວ່າເທື່ອຄົນເຂົ້າສຸສານອາໄລຫາປະທານ ໂຮ່ຈິມິນ ເນື່ອງໃນໂອກາດວັນຊາດທີ 2-9
ກປ.ອອນໄລ - ເນື່ອງໃນໂອກາດສະເຫຼີມສະຫຼອງ 73 ປີແຫ່ງວັນຊາດ ສສ ຫວຽດນາມ, ພໍ່ແມ່ປະຊາຊົນ, ນັກຮົບທົ່ວປະເທດ, ແຂກທ່ອງທ່ຽວສາກົນໄດ້ມາຢ້ຽມຢາມສະໜາມຫຼວງບາດິ່ງ ເປັນຈຳນວນຫຼວງຫຼາຍ, ເຂົ້າສຸສານອາໄລຫາປະທານ ໂຮ່ຈິມິນ ເພື່ອສະແດງຄວາມເຄົາລົບນັບຖື, ຄວາມຮູ້ບຸນຄຸນຕໍ່ປະທານ ໂຮ່ຈິມິນ, ຜູ້ນໍາທີ່ປີຊາສາມາດຂອງພັກ ແລະປະຊາຊົນ, ຂອງການປະຕິວັດຫວຽດນາມ, ນັກວິລະຊົນປົດປ່ອຍຊາດ. ຜູ້ທີ່ໄດ້ອຸທິດຕະຫຼອດຊີວິດໃຫ້ແກ່ເອກະລາດຂອງປະເທດຊາດ, ຄວາມອິດສະຫຼະພາບ, ຄວາມຜາສຸກຂອງປະຊາຊົນ.
ໃນລະຫວ່າງວັນທີ 1–2 ກັນຍາ, ຄະນະຄຸ້ມຄອງສຸສານ ໂຮ່ຈິມິນ ໄດ້ຕ້ອນຮັບແຂກເຂົ້າສຸສານອາໄລຫາປະທານ ໂຮ່ຈິມິນ 38.600 ກວ່າເທື່ອຄົນ, ໃນນັ້ນມີແຂກທ່ອງທ່ຽວສາກົນ 1.133 ເທື່ອຄົນ.
|
|
ພາບປະກອບຈາກສໍານັກຂ່າວສານຫວຽດນາມ |
ຄະນະຄຸ້ມຄອງສຸສານປະທານ ໂຮ່ຈິມິນ ໄດ້ເປັນເຈົ້າການສົມທົບກັນຢ່າງແໜ້ນແຟ້ນກັບບັນດາກຳລັງໃນກຸ່ມປູຊະນີຍະສະຖານປະຫວັດສາດ-ວັດທະນະທໍາບາດິ່ງ ແລະບັນດາອົງການທີ່ກ່ຽວຂ້ອງຂອງນະຄອນຮ່າໂນ້ຍ, ປະຕິບັດວຽກງານກະກຽມເປັນຢ່າງດີ; ບໍ່ໃຫ້ເກີດສະພາບລົດຕິດໃນການຈະລາຈອນ; ຈັດຕັ້ງການຕ້ອນຮັບ, ຮັບໃຊ້ພໍ່ແມ່ປະຊາຊົນ, ແຂກທ່ອງທ່ຽວສາກົນເຂົ້າສຸສານອາໄລຫາປະທານໂຮ່ຈິມິນ ແລະຢ້ຽມຢາມບັນດາປູຊະນີຍະສະຖານ, ກິດຈະກຳວັດທະນະທຳໃນບໍລິເວນຢ່າງຮອບຄອບຖີ່ຖ້ວນ, ປອດໄພ.
ໂດຍ: ຫງວຽນກຸກ