leftcenterrightdel
ພາບປະກອບຈາກ nhandan.com.vn

ແລະກໍ່ຈາກແຫ່ງນີ້, ລະບົບຕະຫຼາດນໍ້າໄດ້ຮັບການສ້າງຂຶ້ນໃນທົ່ວພາກໃຕ້, ສ້າງເປັນສີສັນພິເສດສະເພາະໃຫ້ເຂດດິນແຫ່ງ "ມັງກອນເຫີນເກົ້າໂຕ" ນີ້. ຈາກ ໄຊງ່ອນ ລ່ອງລົງມາແຫຼມ ກ່າເມົາ, ເພື່ອນຈະພົບເຫັນຕະຫຼາດນໍ້າ ກ໋າຍແບ່ (ແຂວງ ຕ່ຽນຢາງ), ຕະຫຼາດນໍ້າ ກ໋າຍຣັງ (ນະຄອນ ເກີ່ນເທີ), ຕະຫຼາດນໍ້າ ຟຸ້ງຮຽບ (ແຂວງ ເຮົ້າຢາງ), ຕະຫຼາດນໍ້າ ຫງ້ານັມ (ແຂວງຊອກຈັງ), ຕະຫຼາດນໍ້າ ແກ່ງຮ່າວ,  ຕະຫຼາດນໍ້າ ເຖີ໋ຍບິ່ງ ເທິງແມ່ນໍ້າ ແຈ້ມ (ແຂວງ ກ່າເມົາ)...

leftcenterrightdel
leftcenterrightdel
ພາບປະກອບຈາກ nhandan.com.vn

ໂດຍແມ່ນໜຶ່ງໃນຕະຫຼາດນໍ້າສາມແຫ່ງໃຫຍ່ທີ່ສຸດຢູ່ທິດຕາເວັນຕົກພາກໃຕ້, ຕະຫຼາດນໍ້າ ກ໋າຍຣັງ ຫ່າງຈາກນະຄອນ ເກີ່ນເທີ ພຽງສອງ, ສາມກິໂລແມັດເທົ່ານັ້ນ, ຜະລິດຕະພັນຕົ້້ນຕໍຂອງຕະຫຼາດນີ້ ແມ່ນຜະລິດຕະພັນກະເສດທີ່ນຳມາຈາກບັນດາແຂວງໃກ້ຄຽງ. ເມື່ອມາແຫ່ງນີ້, ນອກຈາກໄດ້ເຫັນຊີວິດການເປັນຢູ່ຂອງພໍ່ຄ້າຊາວຄ້າແລ້ວ, ນັກທ່ອງທ່ຽວຍັງໄດ້ຮັບປະທານອາຫານພິເພດຄື: ກາເຟ, ເຂົ້າປູ້ນແກງກະປູ, ຫຼືເຂົ້ານົມພື້ນເມືອງຫຼາຍຊະນິດ..ດ້ວຍລົດຊາດເຂດບ້ານນາອີກດ້ວຍ ສິ່ງດັ່ງກ່າວໄດ້ສ້າງຄວາມດຶງດູດໃຫ້ແກ່ນັກທ່ອງທ່ຽວເປັນຈຳນວນຫຼວງຫຼາຍ.

leftcenterrightdel
leftcenterrightdel
ພາບປະກອບຈາກ nhandan.com.vn

ຖ້າຫາກວ່າຕະຫຼາດນໍ້າ ກ໋າຍຣັງ (ນະຄອນ ເກີ່ນເທີ) ມີລັກສະນະທັນສະໃໝຂອງ “ຕົວເມືອງສິວິໄລ” ເທິງແມ່ນໍ້ານັ້ນ, ຕະຫຼາດນໍ້າ ກ໋າຍແບ່ (ແຂວງ ຕ່ຽນຢາງ) ພັດແມ່ນຕະຫຼາດນໍ້າທີ່ມີມາແຕ່ດົນນານຢູ່ທີ່ນີ້. ນອກຈາກມີເຮືອຫຼາຍລໍາ ທີ່ຄຶກໂຄມໜາແໜ້ນແລ້ວ, ຕະຫຼາດນໍ້າ ກ໋າຍແບ່ ຍັງສ້ງຄວາມດຶງດູດນັກທ່ອງທ່ຽວດ້ວຍພາບພົດຂອງຕົວເມືອງທີ່ສະຫງົບສຸກ ພ້ອມກັບບັນດາສວນໝາກໄມ້ຕິດຕໍ່ກັນ ແລະຖະໜົນເກົ່າແກ່ລຽບຕາມຝັ່ງແມ່ນໍ້າ. ຖ້າວ່າຕະຫຼາດນໍ້າ ກ໋າຍຣັງ ເປີດບໍລິການຮັບໃຊ້ແຕ່ຍາມຮຸ່ງເຊົ້າມາຮອດຕອນທ່ຽງນັ້ນ,  ຕະຫຼາດນໍ້າ ກ໋າຍແບ່ ພັດເປີດບໍລິການນັບແຕ່ຍາມກາງຄືນເຖິງຍາມຮຸ່ງເຊົ້າ.

leftcenterrightdel
ພາບປະກອບຈາກ nhandan.com.vn

ຕະຫຼາດນໍ້າ ຟຸ້ງຮຽບ ໄດ້ຮັບການສ້າງຕັ້ງນັບແຕ່ປີ 1915 ແລະໄດ້ກາຍເປັນສູນຕິດຕໍ່ຄົມມະນາຄົມທາງນໍ້າໃຫຍ່ທີ່ສຸດຢູ່ພາກໃຕ້, ຕະຫຼາດນີ້ມີຜົນສະທ້ອນຢ່າງແຮງເຖິງຕະຫຼາດຜະລິດຕະພັນກະເສດພາກຕາເວັນຕົກ. ດ້ວຍລະບົບຕະຫຼາດນໍ້ານັບຮ້ອຍແຫ່ງທີ່ພວມເຄື່ອນໄຫວຢູ່ເຂດທົ່ງພຽງແມ່ນໍ້າຂອງ, ຕະຫຼາດນໍ້າ ຟຸ້ງຮຽບ ແມ່ນຕະຫຼາດນໍ້າທີ່ເປັນເອກະລັກສະເພາະ ແລະໃຫຍ່ທີ່ສຸດ. ຕະຫຼາດນໍ້າ ຫງ້າໄບ໊ ແມ່ນຕະຫຼາດສັງລວມ, ອາດສາມາດຂາຍຍົກ ແລະຂາຍຍ່ອຍ; ສິນຄ້າທີ່ອຸດົມສົມບຸນດ້ວຍຫຼາຍປະເພດ ແລະມີສີສັນສະເພາະຂອງເຂດພາກໃຕ້.

leftcenterrightdel
leftcenterrightdel
leftcenterrightdel
ພາບປະກອບຈາກ nhandan.com.vn

ນັບແຕ່ວັນທີ 20 ເດືອນ 12 ໄລ່ຕາມຈັນທະປະຕິທິນເປັນຕົ້ນໄປ, ບັນດາຕະຫຼາດນໍ້າທີ່ຄຶກໂຄມໜາແໜ້ນກວ່າທຽບໃສ່ວັນທໍາມະດາ. ຍ້ອນໃກ້ຈະຮອດບຸນປີໃໝ່ປະຈຳຊາດ, ຖ້າວ່າໃນວັນທໍາມະດາພຽງແຕ່ມີບັນດາຜະລິດຕະພັນກະເສດ ຄື: ຜັກ, ຫົວມັນ, ໝາກໄມ້, ແຕ່ໃນຊຸມວັນໃກ້ຈະຮອດບຸນເຕັດ, ຕະຫຼາດປຽບເໝືອນສວນດອກໄມ້ເທິງໜ້ານໍ້າ. ເມື່ອສັງເກດຈາກມຸມສູງລົງມາກໍ່ເຫັນວ່າ, ຕະຫຼາດນນໍ້າສວນອຸທິຍານດ້ວຍສີສັນຫຼາກຫຼາຍຄື: ສີແດງ, ສີອິດ, ສີເຫຼືອງ... ບັນດານາງສາວພາກຕາເວັນຕົກ ຂົນສົ່ງດອກໄມ້ທີ່ເຕັມໄປດ້ວຍດອກໄມ້ເຕັມເຮືອລ່ອງຕາມຄອງເໝືອງມາຈາກເຕົ້າໂຮມຢູ່ຕະຫຼາດນໍ້າ, ບໍ່ພຽງແຕ່ຈ່າວຂາຍດອກໄມ້ສວຍງາມເທົ່ານັ້ນ, ຫາກຮອຍຍິ້ມຂອງເຂົາເຈົ້າກໍ່ສ້າງເປັນຄວາມສະໜິດສະໜົມໃຫ້ແກ່ນັກທ່ອງທ່ຽວອີກດ້ວຍ.


ແປໂດຍ: ທູຈາງ