ມີ 7 ທີມເຂົ້າຮ່ວມການແຂ່ງຂັນບານເຕະ Viettel ເປີດກວ້າງ 2019
ກປ.ອອນໄລ - ເພື່ອແນໃສ່ກະກຽມໃຫ້ລະດູການແຂ່ງຂັນບານເຕະ V-League 2019, ໃນລະຫວ່າງວັນທີ 4 – 12 ມັງກອນ, ທີ່ສູນກິລາ Viettel - ກົມກອງຂອງກຸ່ມບໍລິສັດອຸດສາຫະກຳ - ໂທລະຄົມມະນາຄົມກອງທັບ ຈະດໍາເນີນການແຂ່ງຂັນບານເຕະ Viettel ເປີດກວ້າງ 2019.
ການແຂ່ງຂັນບານເຕະຄັ້ງນີ້ມີທີມບານເຕະເຂົ້າຮ່ວມ 7 ທີມ ທີ່ມາຈາກບັນດາສະໂມສອນ ຄື: Viettel, ຮ່າໂນ້ຍ, ຫາຍຟ່ອງ, ກວາງນິງ, ນາມດິ້ງ, ແທັງຮ໊ວາ, ຊົງລາມເງະອານ. ຕາມທ່ານ ໂດ໊ແມັ້ງຢຸງ, ຜູ້ອຳນວຍການສູນກິລາ Viettel, ຫົວໜ້າຄະນະຈັດຕັ້ງການແຂ່ງຂັນບານເຕະແລ້ວ: “ການແຂ່ງຂັນບານເຕະ Viettel ເປີດກວ້າງ 2019 ແມ່ນກາລະໂອກາດສ້າງເງື່ອນໄຂໃຫ້ທີມບານ Viettel ແລະບັນດາທີມບານຢູ່ພາກເໜືອໄດ້ທົດລອງຖັນແຖວນັກເຕະ, ກະກຽມວິຊາສະເພາະໃຫ້ແກ່ລະດູແຂ່ງຂັນບານເຕະ V-League 2019”.
|
|
ທີມບານ Viettel. ພາບ: ວັນຟອງ. |
ການແຂ່ງຂັນບານເຕະຄັ້ງນີ້ຈະເລີ່ມຂຶ້ນໃນລະຫວ່າງວັນທີ 4-12 ມັງກອນ, 7 ທີມດັ່ງກ່າວຈະຈົກສະຫຼາກແບ່ງເປັນ 2 ສາຍ (ສາຍໜຶ່ງ 3 ທີມ ແລະສາຍໜຶ່ງ 4 ທີມ).
ໂດຍ: ສົມເພັດ