ເສັ້ນທາງຄວ້າໄດ້ແຊັມ World Cup 2018 ຂອງທີມຊາດ ຝລັ່ງ
ກປ.ອອນໄລ - ຄູຝຶກ Didier Deschamps ແລະບັນດານັກເຕະບານຂອງທີມຊາດ ຝລັ່ງ ຄວ້າໄດ້ແຊັມ World Cup 2018 ເທື່ອທີ 2 ໃນປະຫວັດເຕະບານຂອງຝລັ່ງ.
ພວກເຮົາຈົ່ງຫວນຄືນໄລຍະທາງພາໄປເຖິງການຄວ້າໄດ້ແຊັມ World Cup 2018 ຂອງທີມຊາດ ຝລັ່ງ.
ນັດທໍາອິດທີມຊາດ ຝລັ່ງ ພົບກັບທີມຊາດ ອົດສະຕາລີ. ນັກເຕະບານ Griezmann ແລະ Paul Pogba ຂອງທີມຊາດຝລັ່ງຍິງໄດ້ 2 ປະຕູ, ຊະນະທີມຊາດ ອົດສະຕາລີ ດ້ວຍ 2-1.
ນັດທີ 2, Les Bleus ຊະນະທີມຊາດ ເປຣູ ຫວຸດຫວິດດ້ວຍ 1-0 ປະຕູ, ຜູ້ຍິງປະຕູແມ່ນ Kylian Mbappe. ດ້ວຍໄຊຊະນະສອງນັດທີມຊາດ ຝລັ່ງ ເຂົ້າຮອບ knock-out 16 ທີມ.
ຢູ່ຮອບແບ່ງກຸ່ມນັດສຸດທ້າຍ, ທີມຊາດ ຝລັ່ງ ແລະທີມຊາດ ເດນມາກ ສະເໝີກັນດ້ວຍ 0-0 ປະຕູ. ດ້ວຍ 1 ຄະແນນນີ້, ເດນມາກ ກໍ່ຍາດໄດ້ປີ້ເຂົ້າຮອບຕັດເຊືອກ 16 ທີມ.
ຮອບຕັດເຊືອກ 16 ທີມ:
ການແຂ່ງຂັນລະຫວ່າງທີມຊາດ ຝລັ່ງ ແລະທີມຊາດ ອາກຊັງຕີນ ເປີດສາກໃຫ້ຮອບຕັດເຊືອກ 16 ທີມຢູ່ World Cup 2018. ທີມຊາດ ຝລັ່ງ ໄດ້ຊະນະທີມຊາດ ອາກຊັງຕີນ ດ້ວຍ 4-3 ປະຕູ, ທີມຊາດ ຝລັ່ງ ເຂົ້າຮອບ 8 ທີມ.
    |
 |
|
ທີມຊາດ ຝລັ່ງ ຄວ້າໄດ້ແຊັມ World Cup 2018. ພາບ: Telegraph. |
ຮອບ 8 ທີມ:
ບັນດານັກເຕະບານຂອງຄູຝຶກ Deschamps ໄດ້ຊະນະທີມຊາດ ອູຣູກວາຍ ດ້ວຍ 2-0 ປະຕູ. ຜູ້ຍິງເຂົ້າປະຕູແມ່ນນັກເຕະບານ Varane ແລະ Griezmann.
ຮອບຮອງຊະນະເລີດ:
ທີມຊາດ ຝລັ່ງ ໄດ້ຊະນະທີມຊາດ ແບນຊິກ ຫວຸດຫວິດດ້ວຍ 1-0 ປະຕູ, ຜູ້ຍິງເຂົ້າປະຕູແມ່ນນັກເຕະບານ Umtiti ແລະໄດ້ເຂົ້າຮອບຊິງຊະນະເລີດ ເທື່ອທີ 3 ໃນການແຂ່ງຂັນ World Cup 6 ຄັ້ງ (ປີ 1998, 2006 ແລະ 2018).
|
|
 |
|
ບັນດານັກເຕະບານຂອງທີມຊາດ ຝລັ່ງ ເຊີດຊູຄູຝຶກ Didier Deschamps. ພາບ: FIFA. |
ຮອບຊິງຊະນະເລີດ:
ທີມຊາດ ຝລັ່ງ ຊະນະທີມຊາດ ກຣົວຊີ ດ້ວຍ 4-2 ປະຕູຊ່ວຍທີມຊາດ ຝລັ່ງ ຄວ້າໄດ້ແຊັມ World Cup 2018. ນີ້ແມ່ນເທື່ອທີ 2 ທີ່ທີມຊາດ ຝລັ່ງ ຄວ້າໄດ້ແຊັມບານເຕະໂລກ; ເທື່ອທີ 1 ແມ່ນປີ 1998 ໂດຍຝລັ່ງ ເປັນປະເທດເຈົ້າພາບ.
ແປໂດຍ: ຫງວຽນກຸກ