ການແຂ່ງຂັນເຕະບານໂລກ 2018 ຮອບຮອງຊະນະເລີດທີ່ສະໜາມເຊນປີເຕີສະເບິກ ປະເທດຣັດເຊຍ ເມື່ອວັນອັງຄານທີ່ຜ່ານມາທີມຊາດຝຣັ່ງ ແຊັມໂລກປີ 1998 ລົງສະໜາມດວນຝີຕີນ ແບນຊິກ ເຄິ່ງເວລາທໍາອິດເປັນ ແບນຊິກ ທີ່ຄອງບານບຸກໄດ້ຫຼາຍກວ່າແຕ່ຍັງຫາຈັງຫວະເຈາະແນວຮັບທີມຊາດຝຣັ່ງ ເຂ້ົາໄປຍິງປະຕູບໍ່ໄດ້ ຈຶ່ງຍັງສະເໝີກັນຢູ່ 0-0 ເຄິ່ງຫຼັງຝຣັ່ງເລີ່ມຫຍັບຂຶ້ນໜ້າຫຼາຍຂຶ້ນ ແລະໄດ້ປະຕູອອກນໍາໄປກ່ອນ 1-0 ຈາກການເອົາຫົວຂຶ້ນຕໍາບານຂອງ Samuel Umtiti ກອງຫຼັງຈາກ ບາເຊໂລນາ ໃນນາທີທີ 51.  ຫຼັງຈາກເສຍປະຕູ ແບນຊິກ ກໍ່ເປີດເກມບຸກຢ່າງໜັກແຕ່ກໍ່ບໍ່ສາມາດທວງປະຕູຄືນໄດ້ຈົບເກມ ຝຣັ່ງ ຈຶ່ງຊະນະ ແບນຊິກ 1-0 ໄດ້ຜ່ານເຂ້ົາສູ່ຮອບຊິງຊະນະເລີດເປັນທີມທໍາອິດ ແລະເປັນຄັ້ງທີ 3 ນັບຕັ້ງແຕ່ປີ 1998 ເປັນຕ້ົນມາໂດຍຈະລໍຖ້າພົບກັບຜູ້ຊະນະໃນຮອບຕັດເຊືອກອີກຄູ່ລະຫວ່າງອັງກິດ ກັບ ກຣົວຊີ ຊຶ່ງ ຈະລົງເຕະກັນເມື່ອຄືນວັນທີ 11 ກໍລະກົດ.

leftcenterrightdel
Samuel Umtiti ພາທີມຝຣັ່ງ ເຂົ້າຮອບຊິງຊະນະເລີດພາຍຫຼັງການເອົາຫົວຂຶ້ນຕໍາບານໃນນາທີທີ 51. ພາບ: Getty.
leftcenterrightdel
ນັກເຕະທີມຝຣັ່ງ ສະຫຼອງພາຍຫຼັງຍິງເຂົ້າປະຕູ. ພາບ: AP.
leftcenterrightdel
Samuel Umtiti ສະຫຼອງດ້ວຍຄວາມຊື່່ນໃຈກົງກັນຂ້າມກັບໃບໜ້າອັນໂສກເສົ້າຂອງ Romelu Lukaku. ພາບ: AP.
leftcenterrightdel
ຜູ້ຮັກສາປະຕູ Thibaut Courtois ຍອມຈໍານົນຕໍ່ການເອົາຫົວຂຶ້ນຕໍາບານຢ່າງໄວຂອງ Umtiti. ພາບ: Getty.
leftcenterrightdel
ນັກເຕະຝຣັ່ງ ສະຫຼອງເມື່ອໄດ້ປະຕູໃນຄວາມຜິດຫວັງຂອງທີມແບນຊິກ. ພາບ: AP.
leftcenterrightdel
Pogba (ຊ້າຍ) ແລະ Umtiti (ຂວາ) ສະແດງທ່າເຕັ້ນ. ພາບ: Getty.
leftcenterrightdel
ການຖ່າຍຮູບຈາກມູມສູງກ່ຽວກັບການຍິງເຂົ້າປະຕູຂອງ Umtiti. ພາບ: AP.
leftcenterrightdel
ຜູ້ຮັກສາປະຕູ Courtois ຍັງຫຼິ້ນດີຢູ່ເຖິງວ່າເສຍ 1 ປະຕູ. ພາບ: EPA.
leftcenterrightdel
Eden Hazard ຍັງບໍ່ສາມາດຍິງເຂົ້າປະຕູໄດ້ເທື່ອ. ພາບ: Getty.
leftcenterrightdel
Hugo Lloris ມີການແຂ່ງຂັນດີເດັ່ນດ້ວຍຫຼາຍກໍລະນີ. ພາບ: Getty.
leftcenterrightdel
Kylian Mbappe ມີຫຼາຍໂອກາດຍິງເຂົ້າປະຕູຢູ່ນັດ 1 ແຕ່ບໍ່ສາມາດເຕະເຂົ້າ. ພາບ: AP.
leftcenterrightdel
Blaise Matuidi (ຝຣັ່ງ) ຍາດບານກັບ Nacer Chadli. ພາບ: AP.
leftcenterrightdel
Fellaini ມີຫຼາຍໂອກາດເຂົ້າຮ່ວມການບຸກໂຈມຕີ, ພິເສດແມ່ນຄວາມສາມາດເອົາຫົວຂຶ້ນຕໍາບານ. ພາບ: Getty.
leftcenterrightdel
ທີມຝຣັ່ງ ກາຍເປັນທີມທໍາອິດຄວ້າສິດຜ່ານເຂົ້າຮອບຊິງຊະນະເລີດ World Cup 2018. ພາບ: Getty.

ແປໂດຍ: ຮວ່າງເຈື່ອງ