ງານແຂ່ງຂັນສຳມະນາກອນ “ຄວາມໄວ້ເນື້ອເຊື່ອໃຈ - ໄຊຊະນະ” ປີ 2018
ກປ.ອອນໄລ - ໃນຕອນເຊົ້າວັນທີ 10 ພຶດສະພາ, ກຳລັງຊາວໜຸ່ມຕະລຸມບອນໄດ້ສົມທົບກັບພະແນກແຮງງານ, ທະຫານເສຍອົງຄະ ແລະສັງຄົມນະຄອນ ໂຮ່ຈິມິນ ຈັດຕັ້ງງານແຂ່ງຂັນສຳມະນາກອນ “ຄວາມໄວ້ເນື້ອເຊື່ອໃຈ - ໄຊຊະນະ” ປີ 2018.
    |
 |
|
ບັນດານັກກິລາແຂ່ງຂັນບານສົ່ງ. ພາບ: ຮຸ່ງຄວາ - ເລກູ໋ກ. |
ເຂົ້າຮ່ວມງານແຂ່ງຂັນມີນັກກິລາກວ່າ 250 ຄົນເຊິ່ງແມ່ນສຳມະນາກອນທີ່ພວມບຳບັດຢາເສບຕິດຢູ່ 9 ກົມກອງທີ່ສັງກັດກຳລັງຊາວໜຸ່ມຕະລຸມບອນ ແລະພະແນກແຮງງານ, ທະຫານເສຍອົງຄະ ແລະສັງຄົມນະຄອນ. ບັນດານັກກິລາແຂ່ງຂັນບານເຕະ, ບານສົ່ງ, ປິ່ງປ່ອງ, ບິນລຽດ, ດຶງເຊືອກ.
|
|
 |
|
ຄະນະຈັດຕັ້ງມອບທຸງເປັນທີ່ລະນຶກໃຫ້ບັນດາກົມກອງເຂົ້າຮ່ວມງານແຂ່ງຂັນ. ພາບ: ຮຸ່ງຄວາ - ເລກູ໋ກ. |
ງານແຂ່ງຂັນໄດ້ປະກອບຊ່ວຍສຳມະນາກອນຝຶກຝົນຫຼໍ່ຫຼອມສຸຂະພາບ ແລະຄຸນສົມບັດ, ເສີມຂະຫຍາຍພອນສະຫວັນດ້ານກິລາ-ກາຍະກຳຢູ່ບັນດາກົມກອງທີ່ເຮັດວຽກງານບຳບັດຢາເສບຕິດສັງກັດກຳລັງຊາວໜຸ່ມຕະລຸມບອນ ແລະພະແນກແຮງງານ, ທະຫານເສຍອົງຄະ ແລະສັງຄົມນະຄອນ. ພ້ອມທັງ, ກໍ່ສ້າງສາຍພົວພັນສາມັກຄີ, ສະໜິດຕິດພັນ, ແລກປ່ຽນບົດຮຽນລະຫວ່າງບັນດາກົມກອງຄຸ້ມຄອງສຳມະນາກອນ ເພື່ອແນໃສ່ຈັດຕັ້ງການເຄື່ອນໄຫວກິລາ-ກາຍະກຳອັນອຸດົມສົມບຸນໃນໄລຍະຈະມາເຖິງ.
ແປໂດຍ: ທູຮັ່ງ