ການແຂ່ງຂັນແລ່ນວິບາກມູນເຊື້ອ 30-4 ຄັ້ງທີ 42 ດໍາເນີນຢ່າງຟົດຟື້ນ
ກປ.ອອນໄລ - ຕອນເຊົ້າວັນທີ 29 ເມສາ, ຄະນະຈັດຕັ້ງພິທີສະເຫຼີມສະຫຼອງບັນດາ ວັນບຸນໃຫຍ່ຂອງນະຄອນ ໂຮ່ຈິມິນ ໄດ້ສົມທົບກັບພະແນກວັດທະນະທໍາ-ກິລາ ນະຄອນ ຈັດຕັ້ງການແຂ່ງຂັນແລ່ນວິບາກ ມູນເຊື້ອ 30-4 ຄັ້ງທີ 42 ເປີດກວ້າງ ປີ 2018, ຢູ່ສະໂມສອນກິລາກາຍຍະກໍາ ແຣ້ກມ໊ຽວ.
ນີ້ແມ່ນການເຄື່ອນໄຫວແທດຈິງສະເຫຼີມສະຫຼອງ 43 ປີແຫ່ງວັນປົດປ່ອຍພາກໃຕ້ຫວຽດນາມ, ທ້ອນໂຮມປະເທດຊາດເປັນເອກະພາບ (30-4-1975/30-4-2018) ແລະສະເຫຼີມສະຫຼອງ 132 ປີແຫ່ງວັນກຳມະກອນສາກົນ.
    |
 |
|
ບັນດານັກກິລາ ເລີ່ມຕົ້ນການແຂ່ງຂັນ. ພາບ: ເລກູ໋ກ. |
ເຂົ້າຮ່ວມການແຂ່ງຂັນມີນັກກິລາ 1.800 ຄົນມາຈາກກອງບັນຊາການ ນະຄອນ ໂຮ່ຈິມິນ, ມະຫາວິທະຍາໄລຕໍາຫຼວດປະຊາຊົນ, ຕໍາຫຼວດຕ້ານ ແລະສະກັດກັ້ນອັກຄີໄພ, ກໍາລັງທະຫານລາດປ້ອງກັນຕົວຂອງ 24 ເມືອງ ແລະຊາວໜຸ່ມ, ເຍົາວະຊົນອະນຸຊົນໃນບໍລິເວນນະຄອນ ໂຮ່ຈິມິນ ເປັນຈຳນວນຫຼວງຫຼາຍ.
|
|
 |
|
ຄະນະຈັດຕັ້ງມອບລາງວັນໃຫ້ແກ່ບັນດານັກກິລາມີຜົນງານສູງ. ພາບ: ເລກູ໋ກ. |
ບັນດານັກກິລາເຂົ້າຮ່ວມການແຂ່ງຂັນໄດ້ແບ່ງເປັນ 9 ເທື່ອແລ່ນ, ຕາມແຕ່ລະລາຍການຊາຍ, ຍິງ, ແຕ່ 4 ກິໂລແມັດຫາ 6 ກິໂລແມັດເຊິ່ງຂຶ້ນກັບເກນອາຍຸໃນເສັ້ນທາງ ຮວ່າງຊາ-ເຈື່ອງຊາ (ເມືອງ ຟູ໋ຍ້ວນ). ພາຍຫຼັງການແລ່ນແຕ່ລະເທື່ອ, ຄະນະຈັດຕັ້ງຈະດໍາເນີນການມອບລາງວັນໃຫ້ແກ່ບັນດາສ່ວນບຸກຄົນ, ໝູ່ຄະນະມີຜົນງານສູງ.
ແປໂດຍ: ເຈິ່ນຮວ່ຽນ