ກະກຽມຈັດຕັ້ງວັນແລ່ນ Olympic ເພື່ອສຸຂະພາບທົ່ວປວງຊົນ 2018
ກປ.ອອນໄລ - ກະຊວງວັດທະນະທໍາ, ກິລາ ແລະທ່ອງທ່ຽວຫວຽດນາມ ຫາກໍ່ຮຽກຮ້ອງ ໃຫ້ພະແນກວັດທະນະທໍາ, ກິລາ ແລະທ່ອງທ່ຽວບັນດາແຂວງ, ນະຄອນເປັນເສນາທິການໃນການສ້າງແຜນການ ແລະຍື່ນສະເໜີຕໍ່ຄະນະກໍາມະການປະຊາຊົນແຂວງ, ນະຄອນປະກາດໃຊ້ຂໍ້ຕົກລົງແຕ່ງຕັ້ງຄະນະຊີ້ນໍາ ແລະແຜນການຈັດຕັ້ງວັນແລ່ນ Olympic ເພື່ອສຸຂະພາບທົ່ວປວງຊົນ 2018 ຂອງທ້ອງຖິ່ນ.
ກະຊວງວັດທະນະທໍາ, ກິລາ ແລະທ່ອງທ່ຽວ ກໍ່ສະເໜີພະແນກວັດທະນະທໍາ, ກິລາ ແລະທ່ອງທ່ຽວບັນດາແຂວງ, ນະຄອນຊີ້ນໍາບັນດາຕາແສງ, ເທດສະບານເມືອງໃນບໍລິເວນ, ສ້າງຕັ້ງຄະນະຈັດຕັ້ງ, ສ້າງແຜນການ, ຜັນຂະຫຍາຍການຈັດຕັ້ງວັນແລ່ນ Olympic ແລະບັນດາການເຄື່ອນໄຫວກິລາກາຍຍະກໍາໃນທຸກຕາແສງ, ເມືອງ, ເທດສະບານເມືອງ.
|
|
ພາບປະກອບຈາກ: dangcongsan.vn |
ສົມທົບກັບບັນດາກົມກອງກ່ຽວຂ້ອງປຸກລະດົມແຫຼ່ງຊັບພະຍາກອນມະນຸດທີ່ພວມກໍາລັງດຳລົງຊີວິດ, ເຮັດວຽກຢູ່ບໍລິເວນພ້ອມກັນເຂົ້າຮ່ວມຢ່າງສຸດຂີດ. ສຳລັບບັນດາຮາກຖານການສຶກສາທີ່ຂຶ້ນກັບກະຊວງວັດທະນະທໍາ, ກິລາ ແລະທ່ອງທ່ຽວ, ແມ່ນໃຫ້ສ້າງແຜນການ, ຈັດຕັ້ງວັນແລ່ນ Olympic ແລະບັນດາການເຄື່ອນໄຫວກິລາກາຍຍະກໍາຂອງກົມກອງຕົນໃຫ້ສອດຄ່ອງກັບເງື່ອນໄຂຕົວຈິງ, ຮັບປະກັນການປະຢັດມັດທະຍັດ, ມີປະສິດທິຜົນ, ປຸກລະດົມນັກສຶກສາໃຫ້ເຂົ້າຮ່ວມຫຼາຍທີ່ສຸດ.
ແປໂດຍ: ເກື່ອງດັ້ງ