ກ່າວຄໍາເຫັນທີ່ພິທີ, ທ່ານນາຍົກລັດຖະມົນຕີ ຫງວຽນຊວນຟຸກ ເວົ້າວ່າ, ມື້ນີ້ດິນຟ້າຄືຮຸ່ງແຈ້ງກວ່າ,  ພໍ່ແມ່ປະຊາຊົນຫວຽດນາມນັບລ້ານຄົນຂໍ່ານັບຮັບຕ້ອນບັນດາ “ນັກຮົບໃນສະໜາມກິລາ” U23 ຫວຽດນາມ, ບັນດາຜູ້ທີ່ໄດ້ເຮັດໃຫ້ສີແດງທຸງຊາດຫວຽດນາມທີ່ແສນຮັກສົດໃສຂຶ້ນຕື່ມໃນສະໜາມແຂ່ງຂັນກິລາບານເຕະ ອາຊີ. ຜົນງານດີເດັ່ນພິເສດນີ້ແມ່ນໄຊຊະນະປະຫວັດສາດຂອງບານເຕະຫວຽດນາມ. ຕາງໜ້າລັດຖະບານ, ຂ້າພະເຈົ້າ ຊົມເຊີຍຜົນງານດີເດັ່ນນີ້ຂອງທີມຊາດ U23 ຫວຽດນາມ.

leftcenterrightdel
ບັນຍາກາດທີ່ການພົບປະສັງສັນ. ພາບ: ຟູ໋ເຊີນ.

ທ່ານນາຍົກລັດຖະມົນຕີ ເນັ້ນໜັກວ່າ, ການແຂ່ງຂັນບານເຕະຊີງແຊ໋ມ U23 ອາຊີ ປີ 2018 ແມ່ນເຫດການໃຫຍ່, ມີການເຂົ້າຮ່ວມຂອງບັນດາທີມຊາດເຕະບານເກັ່ງຂອງອາຊີ. ແຕ່ວ່າທີມຊາດ U23 ຫວຽດນາມ ໄດ້ສາມັກຄີກັນ, ແກ້ໄຂຄວາມຫຍຸ້ງ ຍາກ, ມານະພະຍາຍາມຈົນສຸດຄວາມສາມາດຂອງຕົນ, ອົງອາດກ້າຫານ, ທຸ່ນທ່ຽງໃຈ, ເຊື່ອໝັ້ນຕົນເອງ ແລະແຂ່ງຂັນເໜືອກວ່າກໍາລັງແຮງຂອງຕົນ ເພື່ອຄວາມເປັນກຽດຂອງປະເທດຊາດຫວຽດນາມທີ່ແສນຮັກ. ນີ້ບໍ່ແມ່ນການໄຊຊະນະ ຍ້ອນມີຄວາມໂຊກດີ, ຫາກນີ້ແມ່ນຄວາມມານະພະຍາຍາມຈົນສຸດຄວາມສາມາດຂອງທີມຊາດ U23 ຫວຽດນາມ. “ເຖິງວ່າພວກນ້ອງຍັງບໍ່ທັນຄວ້າໄດ້ແຊ໋ມປ້ຽນກໍ່ຕາມ,  ແຕ່ພວກນ້ອງໄດ້ຮັບໄຊຊະນະໃນຫົວໃຈຂອງຊາວຫວຽດນາມພາຍໃນ ແລະຕ່າງປະເທດກວ່າ 90 ລ້ານຄົນ ແລະພິເສດລາງວັນ Fair Play ໄດ້ສະແດງໃຫ້ເຫັນຄວາມງາມຂອງປະເທດຊາດ ແລະຊາວຫວຽດນາມ; ທ່ານນາຍົກລັດຖະມົນຕີ ຫງວຽນຊວນຟຸກ ຢືນຢັນວ່າ, ພວກເຈົ້າ ໄດ້ຊະນະເລີດໃນດວງໃຈຂອງຊາວຫວຽດນາມກວ່າ 90 ລ້ານຄົນ. ພວກເຈົ້າ ໄດ້ສ້າງເປັນ 6 ນັດປະຫວັດສາດ. ຈາກຮູບພາບຂອງທີມຊາດ U23 ຫວຽດນາມ, ບັນຍາກາດແຫ່ງຄວາມຮັກແພງ, ສາມັກຄີໄດ້ຜາບແພ້ຄວາມຫຍໍ້ທໍ້ທັງໝົດເພື່ອມຸ່ງຫາປະເທດຊາດ. ຈົ່ງຮັກປະເທດຊາດຫວຽດນາມ! ຈົ່ງສາມັກຄີກັນເປັນຈິດໜຶ່ງໃຈດຽວພາຍໃຕ້ທຸງຊາດຫວຽດນາມ. ອາດສາມາດເວົ້າໄດ້ວ່າທີມຊາດ U23 ຫວຽດນາມ ຍັງບໍ່ທັນຄວ້າໄດ້ແຊ໋ມປ້ຽນກໍ່ຕາມ, ແຕ່ໄດ້ຮັບໄຊຊະນະໃນຫົວໃຈຂອງຊາວຫວຽດນາມ”.

leftcenterrightdel
ທີມຊາດ U23 ຫວຽດນາມ ມອບໝາກບານ ແລະເສື້ອເປັນທີ່ລະນຶກໃຫ້ທ່ານນາຍົກລັດຖະມົນຕີ ຫງວຽນຊວນຟຸກ. ພາບ: ຟູ໋ເຊີນ.
leftcenterrightdel
ທ່ານນາຍົກລັດຖະມົນຕີ ຫງວຽນຊວນຟຸກ ມອບຫຼຽນໄຊແຮງງານ ຊັ້ນ III ໃຫ້ແກ່ຄູຝຶກ Park Hang – seo. ພາບ: ຟູ໋ເຊີນ.

leftcenterrightdel
ທ່ານນາຍົກລັດຖະມົນຕີ ຫງວຽນຊວນຟຸກ ມອບຫຼຽນໄຊແຮງງານ ຊັ້ນ III ໃຫ້ແກ່ຜູ້ຮັກສາປະຕູ ບຸ່ຍຕ໋ຽນຢຸ໋ງ. ພາບ: ຟູ໋ເຊີນ.

leftcenterrightdel
ທ່ານນາຍົກລັດຖະມົນຕີ ຫງວຽນຊວນຟຸກ ມອບຫຼຽນໄຊແຮງງານ ຊັ້ນ III ໃຫ້ແກ່ກອງກາງ ຫງວຽນກວາງຫາຍ. ພາບ: ຟູ໋ເຊີນ.

leftcenterrightdel
ທ່ານຮອງນາຍົກລັດຖະມົນຕີ ຫວູດຶກດາມ ມອບໃບຍ້ອງຍໍຂອງນາຍົກລັດຖະມົນຕີ ໃຫ້ແກ່ບັນດານັກເຕະບານທີມຊາດ U23 ຫວຽດນາມ. ພາບ: ຟູ໋ເຊີນ.

leftcenterrightdel
ທ່ານນາຍົກລັດຖະມົນຕີ ຫງວຽນຊວນຟຸກ ແລະທ່ານຮອງນາຍົກລັດຖະມົນຕີ ຫວູດຶກດາມ ພ້ອມກັບບັນດານັກເຕະບານທີມຊາດ U23 ຫວຽດນາມ. ພາບ: ຟູ໋ເຊີນ.

leftcenterrightdel
ທ່ານນາຍົກລັດຖະມົນຕີ ຫງວຽນຊວນຟຸກ ແລະທ່ານຮອງນາຍົກລັດຖະມົນຕີ ຫວູດຶກດາມ ພ້ອມກັບທີມຊາດ U23 ຫວຽດນາມ ຖ່າຍຮູບເປັນທີ່ລະນຶກ. ພາບ: ຟູ໋ເຊີນ.

ທ່ານນາຍົກລັດຖະມົນຕີ ຫງວຽນຊວນຟຸກ ຖືວ່າ, ໃນໄຊຊະນະຂອງທີມຊາດ U23 ຫວຽດນາມ ແມ່ນມີການປະກອບສ່ວນຂອງຄູຝຶກ Park Hang - seo ຫຼື ເອີ້ນວ່າ “ອາຈານ Park” ໄດ້ປຸກລຸກຄວາມເຊື່ອໝັ້ນ, ເສີມຂະຫຍາຍຄວາມສາມາດບົ່ມຊ້ອນຂອງບັນດານັກເຕະບານ. ທ່ານໄດ້ເຮັດໃຫ້ຊາວຫວຽດນາມ ແລະຊາວ ສ.ເກົາຫຼີ ມີຄວາມສະໜິດຕິດພັນກວ່າ.

ທ່ານນາຍົກລັດຖະມົນຕີ ຖືວ່າ, ແຕ່ກ່ອນມາຮອດປັດຈຸບັນ, ບານເຕະຫວຽດນາມ ຍາມໃດກໍ່ໄດ້ຮັບຄວາມເອົາໃຈໃສ່, ເບິ່ງແຍງດູແລຈາກລັດຖະບານ ແລະນາຍົກລັດຖະມົນຕີ. ເນື່ອງໃນໂອກາດນີ້ທ່ານນາຍົກລັດຖະມົນຕີ ສະເໜີສະຫະພັນບານເຕະຫວຽດນາມ, ບັນດາທ້ອງຖິ່ນຖອດຖອນບົດຮຽນ ເພື່ອບໍາລຸງສ້າງບານເຕະໃນໂຮງຮຽນ, ເພີ່ມທະວີການຫັນເປັນສັງຄົມຕາມທິດອາຊີບ; ສ້າງພື້ນຖານບານເຕະ ຫວຽດນາມທີ່ປອດໃສ.

ເນື່ອງໃນໂອກາດນີ້, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຕັກເຕືອນບັນດານັກເຕະບານທີມຊາດ U23 ຫວຽດນາມ ສືບຕໍ່ຝຶກຝົນຫຼໍ່ຫຼອມ ເພື່ອສ້າງຜົນງານດີເດັ່ນໃນອານາຄົດ. ໃນຜົນງານອັນໃຫຍ່ຫຼວງມື້ນີ້ຍັງມີຄວາມເສຍດາຍຢູ່, ແຕ່ຈົ່ງຖືນັ້ນແມ່ນກໍາລັງໜູນເພື່ອບືນຕົວຂຶ້ນ World Cup  ແນໃສ່ຕອບສະໜອງຄວາມມຸ່ງມາດປາຖະໜາຂອງປະຊາຊົນ.

ທີ່ພິທີ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ມອບຫຼຽນໄຊແຮງງານ ຊັ້ນ I ໃຫ້ແກ່ທີມຊາດ U23 ຫວຽດນາມ; ມອບຫຼຽນໄຊແຮງງານ ຊັ້ນ III ໃຫ້ແກ່ຄູຝຶກ Park Hang - seo, ກອງກາງ ຫງວຽນກວາງຫາຍ ແລະຜູ້ຮັກສາປະຕູ ບຸ່ຍຕ໋ຽນຢຸ໋ງ. ພ້ອມກັນນັ້ນ, ສະມາຊິກຂອງທີມຊາດ U23 ຫວຽດນາມ ຈໍານວນ 31 ຄົນກໍ່ໄດ້ຮັບໃບຍ້ອງຍໍຈາກນາຍົກລັດຖະມົນຕີ. ຕາງໜ້າທີມຊາດ U23 ຫວຽດນາມ, ຄູຝຶກ Park Hang - seo ແລະຫົວໜ້າທີມຊາດ U23 ຫວຽດນາມ ໄດ້ມອບໝາກບານ ແລະເສື້ອແຂ່ງຂັນທີ່ມີລາຍເຊັນຂອງບັນດານັກເຕະບານໃຫ້ທ່ານນາຍົກລັດຖະມົນຕີ ຫງວຽນຊວນຟຸກ.

 

ແປໂດຍ: ຮວ່າງເຈື່ອງ