ຍ້ອງຍໍນັກຮຽນ, ນັກສຶກສາຊົນເຜົ່າສ່ວນໜ້ອຍດີເດັ່ນ 166 ຄົນ
ກປ.ອອນໄລ - ຕອນຄໍ່າວັນທີ 25 ພະຈິກ, ຢູ່ຮ່າໂຮ້ຍ, ຄະນະກໍາມະການຊົນເຜົ່າ ໄດ້ສົມທົບກັບກະຊວງສຶກສາ ແລະບໍາລຸງສ້າງ, ສູນກາງຄະນະຊາວໜຸ່ມກອມມູນິດໂຮ່ຈິມິນ ຈັດຕັ້ງພິທີຍ້ອງຍໍນັກຮຽນ, ນັກສຶກສາຊົນເຜົ່າສ່ວນໜ້ອຍດີເດັ່ນ ປີ 2018.
ເຂົ້າຮ່ວມພິທີດັ່ງກ່າວມີທ່ານ ເຈືອງຮວ່າບິ່ງ, ຮອງນາຍົກລັດຖະມົນຕີຜູ້ປະຈຳການລັດຖະບານ ພ້ອມກັບການນໍາພັກ, ລັດ, ກະຊວງ, ຂະແໜງການທີ່ກ່ຽວຂ້ອງຕ່າງໆ.
ກ່າວຄໍາເຫັນທີ່ພິທີ, ທ່ານ ເຈືອງຮວ່າບິ່ງ ເນັ້ນໜັກວ່າ: ພັກ, ລັດ ຍາມໃດກໍ່ເອົາໃຈໃສ່ເຖິງການສຶກສາ ແລະບໍາລຸງສ້າງ, ຖືການສຶກສາແມ່ນລັດຖະນະໂຍບາຍແຖວໜ້າ, ມີຄວາມໝາຍສໍາຄັນໃນການຍົກສູງລະດັບຄວາມຮູ້ຂອງປະຊາຊົນ, ພັດທະນາແຫຼ່ງຊັບພະຍາກອນມະນຸດ, ບໍາລຸງສ້າງຜູ້ມີຄວາມເກັ່ງກ້າສາມາດໃຫ້ປະເທດຊາດ... ພ້ອມກັບຄວາມເອົາໃຈໃສ່ພັດທະນາລວມ, ພັກ, ລັດ ໄດ້ເອົາໃຈໃສ່ເປັນພິເສດເຖິງເລື່ອງພັດທະນາການສຶກສາ ແລະບໍາລຸງສ້າງໃຫ້ຊົນເຜົ່າຢູ່ແຖບພູດອຍ... ນັກຮຽນ, ນັກສຶກສາ 166 ຄົນໄດ້ຮັບການຍ້ອງຍໍໃນຄັ້ງນີ້ແມ່ນຄວາມເອກອ້າງທະນົງໃຈຂອງຄອບຄົວ, ທ້ອງຖິ່ນ.
|
|
ທ່ານ ເຈືອງຮວ່າບິ່ງ, ຮອງນາຍົກລັດຖະມົນຕີຜູ້ປະຈຳການລັດຖະບານ ມອບໃບຍ້ອງຍໍໃຫ້ແກ່ນັກຮຽນ, ນັກສຶກສາຊົນເຜົ່າສ່ວນໜ້ອຍດີເດັ່ນ. ພາບ: ຢຸຍວັນ. |
ໃນລາຍການ, ຄະນະຈັດຕັ້ງໄດມອບໃບຍ້ອງຍໍຂອງຄະນະກໍາມະການຊົນເຜົ່າ, ກະຊວງສຶກສາ ແລະບໍາລຸງສ້າງ, ສູນກາງຄະນະຊາວໜຸ່ມກອມມູນິດໂຮ່ຈິມິນ ໃຫ້ແກ່ບັນດານັກຮຽນ, ນັກສຶກສາຊົນເຜົ່າສ່ວນໜ້ອຍດີເດັ່ນ.
ໂດຍ: ທູຈາງ