ຄະນະຫວຽດນາມ ຍາດໄດ້ 1 ຫຼຽນຄໍາຢູ່ການແຂ່ງຂັນ Olympic ວິຊາຄະນິດສາດສາກົນປີ 2018
ກປ.ອອນໄລ - ຕອນຄໍ່າວັນທີ 12 ກໍລະກົດ, ກົມຄຸ້ມຄອງຄຸນນະພາບ, ກະຊວງສຶກສາ-ກໍ່ສ້າງຫວຽດນາມ ຫາກໍ່ໄດ້ຮັບຂໍ້ມູນຈາກປະເທດ ຣູມານີ ກ່ຽວກັບຜົນແຫ່ງການເຂົ້າຮ່ວມການແຂ່ງຂັນ Olympic ວິຊາຄະນິດສາດສາກົນ ຄັ້ງທີ 59 ປີ 2018 ຂອງທີມຊາດຫວຽດນາມ, ຜູ້ເຂົ້າຮ່ວມແຂ່ງຂັນທັງ 6 ຄົນລ້ວນແຕ່ຍາດໄດ້ລາງວັນ.
ນ້ອງ ຫງວຽນກວາງບິນ, ນັກຮຽນຫ້ອງ ມ.7, ໂຮງຮຽນມັດທະຍົມຕອນປາຍລົງເລິກວິຊາວິທະຍາສາດທໍາມະຊາດ, ມະຫາວິທະຍາໄລແຫ່ງຊາດ ຮ່າໂນ້ຍ ຍາດໄດ້ຫຼຽນຄໍາ.
|
|
ຄະນະຫວຽດນາມ ເຂົ້າຮ່ວມການແຂ່ງຂັນ. ພາບ: baotintuc.vn. |
ນ້ອງ ຟານມີງດຶກ, ນັກຮຽນ ຫ້ອງ ມ.6, ໂຮງຮຽນມັດທະຍົມຕອນປາຍລົງເລິກວິຊາຮ່າໂນ້ຍ - Amsterdam, ນະຄອນ ຮ່າໂນ້ຍ ແລະນ້ອງ ຈິ້ງວັນຮວ່ານ, ນັກຮຽນຫ້ອງ ມ.7, ໂຮງຮຽນມັດທະຍົມຕອນປາຍລົງເລິກວິຊາ ເຈິ່ນຟູ໋, ນະຄອນ ຫາຍຟ່ອງ ຍາດໄດ້ຫຼຽນເງິນ. 3 ຄົນທີ່ຍັງເຫຼືອແມ່ນຍາດໄດ້ຫຼຽນທອງ.
ຜົນງານດັ່ງກ່າວກໍ່ເປັນການຢັ້ງຢືນຄວາມມານະພະຍາຍາມຂອງບັນດາທ້ອງຖິ່ນໃນການພັດທະນາລະບົບບັນດາໂຮງຮຽນມັດທະຍົມຕອນປາຍລົງເລິກວິຊາ ແລະວຽກງານບໍາລຸງສ້າງປາຍແຫຼມຈາກກະຊວງສຶກສາ-ກໍ່ສ້າງ.
ແປໂດຍ: ຫງວຽນກຸກ