ໄຂງານບຸນດອກບານປີ 2019
ກປ.ອອນໄລ - ດ້ວຍຫົວຂໍ້ “ດອກບານທີ່ສົດໃສໃນດິນແດນເມື່ອງແທັງ”, ງານບຸນດອກບານປີ 2019 ແລະວັນບຸນວັດທະນະທໍາ, ກິລາ ແລະທ່ອງທ່ຽວແຂວງດ້ຽນບຽນ ຄັ້ງທີ VI ໄດ້ໄຂຂຶ້ນໃນຕອນຄ່ຳວັນທີ 16 ມີນາ, ຢູ່ສະໜາມຫຼວງ 7-5.
ເຂົ້າຮ່ວມພິທີໄຂມີທ່ານ ຫວູດຶກດາມ, ກໍາມະການສູນກາງພັກ, ຮອງນາຍົກລັດຖະມົນຕີຫວຽດນາມ; ຜູ້ຕາງໜ້າບັນດາກະຊວງ, ຄະນະ, ຂະແໜງການ ແລະປະຊາຊົນ, ນັກທ່ອງທ່ຽວ ເປັນຈຳນວນຫຼວງຫຼາຍ.
|
|
ການຟ້ອນລຳໃນພິທີໄຂງານບຸນດອກບານປີ 2019. ພາບ: ຫງວຽນຮ່ຽນ. |
ໃນຫຼາຍປີຜ່ານມາ, ງານບຸນດອກບານດ້ຽນບຽນ ໄດ້ກາຍເປັນເຄື່ອງໝາຍການຄ້າດ້ານການທ່ອງທ່ຽວຂອງແຂວງ, ໄດ້ຮັບຄວາມຮູ້ຈັກຈາກນັກທ່ອງທ່ຽວພາຍໃນ ແລະຕ່າງປະເທດເປັນຈຳນວນຫຼວງຫຼາຍ. ປີນີ້, ເພື່ອສະເຫຼີມສະຫຼອງ 65 ປີແຫ່ງວັນໄຊຊະນະດ້ຽນບຽນຝູ, 110 ປີແຫ່ງວັນສ້າງຕັ້ງແຂວງ, ແຂວງດ້ຽນບຽນ ໄດ້ຈັດຕັ້ງງານບຸນດອກບານດ້ວຍຂອບຂະໜາດໃຫຍ່ກວ່າຊຸມປີກ່ອນ, ແຕ່ວັນທີ 13 ຫາວັນທີ 18 ມີນາ, ດ້ວຍການເຄື່ອນໄຫວວັດທະນະທໍາ, ສິລະປະ, ຍິງບັ້ງໄຟດອກ, ງານປະກວດນາງງາມດອກບານ, ກິລາກາຍຍະກໍາ ແລະການທ່ອງທ່ຽວທີ່ອຸດົມສົມບູນ, ມີຄຸນຄ່າປະຫວັດສາດ, ວັດທະນະທໍາທີ່ເປັນເອກະລັກສະເພາະຂອງ 19 ຊົນເຜົ່າໃນແຂວງ.
ໂດຍ: ຄໍາແພງ