ງານພົບປະແລກປ່ຽນວັດທະນະທໍາ ຫວຽດນາມ-ຍີ່ປຸ່ນ ຢູ່ນະຄອນໂຮ່ຈິມິນ
ກປ.ອອນໄລ - ໃນຂອບເຂດບັນດາການເຄື່ອນໄຫວຂອງງານບຸນຊຸດເສື້ອຍາວ ນະຄອນໂຮ່ຈິມິນ ຄັ້ງທີ 6 ປີ 2019, ວັນທີ 10 ມີນາ, ພະແນກທ່ອງທ່ຽວນະຄອນໂຮ່ຈິມິນ, ບໍລິສັດຫຸ້ນສ່ວນສີສັນຫວຽດນາມ ສົມທົບກັບຫໍພິພິທະພັນຊຸດເສື້ອຍາວ ແລະສະມາຄົມມິດຕະພາບຫວຽດນາມ-ຍີ່ປຸ່ນ ນະຄອນໂຮ່ຈິມິນ ຈັດຕັ້ງງານພົບປະແລກປ່ຽນວັດທະນະທໍາ ຫວຽດນາມ-ຍີ່ປຸ່ນ ດ້ວຍຫົວຂໍ້ “ຊຸດເສື້ອຍາວ ແລະດອກໄມ້ເຮັດດ້ວຍຜ້າແພປະເພນີຍີ່ປຸ່ນ Tsumami”.
ຜ່ານຊຸດເສື້ອຍາວຫວຽດນາມ ແລະດອກໄມ້ເຮັດດ້ວຍຜ້າແພປະເພນີຍີ່ປຸ່ນ Tsumami, ຜູ້ຊົມຈະມີຄວາມເຂົ້າໃຈກວ່າກ່ຽວກັບວັດທະນະທໍາທີ່ເປັນເອກະລັກສະເພາະຂອງສອງປະເທດ; ນີ້ຍັງແມ່ນໂອກາດເພື່ອປະກອບສ່ວນຮັດແໜ້ນສາຍພົວພັນ, ນໍ້າໃຈສາມັກຄີມິດຕະພາບລະຫວ່າງຫວຽດນາມ ແລະຍີ່ປຸ່ນ ກວ່າອີກ.
|
|
ຜູ້ອອກແບບຊຸດເສື້ອຍາວ ສີຮວ່າງ ກ່າວຄໍາເຫັນທີ່ລາຍການ. ພາບ: ສໍານັກຂ່າວສານຫວຽດນາມ. |
ກ່າວຄໍາເຫັນທີ່ລາຍການ, ທ່ານນາງ ຮິ່ງງອກເວິນ, ຮອງປະທານຜູ້ປະຈຳການສະມາຄົມມິດຕະພາບຫວຽດນາມ-ຍີ່ປຸ່ນ ນະຄອນໂຮ່ຈິມິນ, ແບ່ງປັນວ່າ ຜ່ານການສົມທົບກັນຄັ້ງນີ້, ໄດ້ສ້າງເປັນບັນດາຜະລິດຕະພັນວັດທະນະທໍາ, ສິລະປະໃໝ່, ທັງເຂັ້ມຂຸ້ນໄປດ້ວຍສີສັນຂອງແຕ່ລະປະເທດ, ທັງສະແດງໃຫ້ເຫັນນໍ້າໃຈມິດຕະພາບ, ຄວາມສາມັກຄີລະຫວ່າງປະຊາຊົນສອງປະເທດ.
ທ່ານນາງຍັງສະແດງຄວາມນັບຖືຢ່າງສູງຕໍ່ບັນດານັກສິລະປະການຍີ່ປຸ່ນ ແລະຖືວ່ານີ້ບໍ່ພຽງແຕ່ແມ່ນຈຸດຍອດຢ້ຽມຂອງສິລະປະ, ວັດທະນະທໍາທີ່ເປັນມູນເຊື້ອຂອງສອງຊາດຢູ່ອາຊີເທົ່ານັ້ນ ຫາກຍັງແມ່ນໝາກຜົນຂອງການສະໜັບສະໜູນ, ໜູນຊ່ວຍເຊິ່ງກັນ ແລະກັນອີກດ້ວຍ...
ໂດຍ: ເຈິ່ນຮວ່ຽນ