ນາງງາມ ເຈິ່ນຕ້ຽວວີ ໄດ້ຄອງຕໍາແໜ່ງນາງງາມຫວຽດນາມ 2018

17 ກັນຍາ 2018 20:6

ກປ.ອອນໄລ - ໃນຕອນຄໍ່າວັນທີ 16 ກັນຍາ, ງານປະກວດນາງງາມຫວຽດນາມ ປີ 2018 ຮອບຊີງຊະນະເລີດໄດ້ດໍາເນີນຢູ່ນະຄອນໂຮ່ຈິມິນ ໄດ້ອັດລົງດ້ວຍຕຳແໜ່ງນາງງາມເປັນຂອງນາງສາວ ເຈິ່ນຕ້ຽວວີ. ນາງງາມ ເຈິ່ນຕ້ຽວວີ ເກີດປີ 2000 ໄດ້ຂຶ້ນແຊງໜ້ານາງງາມທີ່ເຂົ້າຮ່ວມປະກວດ 42 ຄົນເພື່ອຄອງມົງກຸດຕໍາແໜ່ງນາງງາມຫວຽດນາມ 2018.

ນາງງາມ 43 ຄົນຕາງໜ້າໃຫ້ຄວາມງາມຂອງບັນດາເຂດ, ພາກໃນທົ່ວປະເທດທີ່ເຂົ້າຮ່ວມງານປະກວດນາງງາມຫວຽດນາມ ປີ 2018 ຮອບຊີງຊະນະເລີດໄດ້ຮັບການຕີລາຄາວ່າມີຄວາມສວຍງາມເກືອບເທົ່າທຽມກັນ ແລະມີປະສິດທິຜົນໃນການເຂົ້າຮ່ວມບັນດາການເຄື່ອນໄຫວສັງຄົມໃນຂອບເຂດງານປະກວດໃນຕະຫຼອດເວລາ 3 ເດືອນຜ່ານມາ. ໄດ້ຜ່ານເຂົ້າຮອບ 25-15-10-5 ເທື່ອລະກ້າວ ແລະສະແດງໃຫ້ເຫັນຄວາມປະທັບໃຈໃນການປະກວດພາກການປະພຶດ, ນາງງາມ ເຈິ່ນຕ້ຽວວີ ທີ່ມາຈາກແຂວງ ກວາງນາມສະແດງອອກໄດ້ຢ່າງດີເລີດກາຍເປັນເຈົ້າຂອງມົງກຸດອັນຊົງຄຸນຄ່າ, ຄອງຕໍາແໜ່ງນາງງາມຫວຽດນາມ 2018 ດ້ວຍລາງວັນທີ່ມີມູນຄ່າ 500 ລ້ານດົ່ງ. ນາງງາມ ເຈິ່ນຕ້ຽວວີ ຈະແມ່ນຜູ້ຕາງໜ້າຂອງນາງສາວງາມຫວຽດນາມ ເຂົ້າຮ່ວມບັນດາງານ ປະກວດນາງສາວງາມສາກົນໃນໄລຍະຈະມາເຖິງ.

ນອກຈາກນັ້ນ, ຄະນະຈັດຕັ້ງຍັງມອບ 10 ນາມມະຍົດອື່ນໃຫ້ບັນດາຜູ້ເຂົ້າຮ່ວມງານປະກວດ.