ຮັກສາສີສັນວັດທະນະທໍາຂອງຊາດໃນການພົບປະແລກປ່ຽນ, ເຊື່ອມໂຍງເຂົ້າກັບສາກົນ
ກປ.ອອນໄລ - ນີ້ແມ່ນຫົວຂໍ້ເວທີປາໄສວັນນະຄະດີແມ່ນໍ້າຂອງໂດຍສະມາຄົມນັກປະພັນຫວຽດນາມ ຈັດຕັ້ງໃນວັນທີ 16 ມິຖຸນາ, ຢູ່ຮ່າໂນ້ຍ, ເນື່ອງໃນໂອກາດເຫດການມອບລາງວັນວັນນະຄະດີ ແມ່ນໍ້າຂອງ ຄັ້ງທີ 9.
ບັນດານັກປະພັນເຂດອະນຸພາກພື້ນແມ່ນ້ຳຂອງໄດ້ແບ່ງປັນບັນດາແນວຄວາມຄິດ, ຄວາມຮູ້ສຶກກ່ຽວກັບຄວາມຮັບຜິດຊອບຂອງນັກປະພັນຕໍ່ບັນດາບັນຫາໃໝ່ທີ່ໄດ້ວາງອອກໃຫ້ແຕ່ລະປະເທດ, ພາກພື້ນ. ຂໍ້ສັງເກດລວມແມ່ນຜ່ານບັນດາບົດປະພັນວັນນະຄະດີໄດ້ປະກອບສ່ວນຮັກສາວັດທະນະທໍາທີ່ເປັນເອກະລັກສະເພາະຂອງແຕ່ລະປະເທດ, ພ້ອມທັງເຊື່ອມຕົວແບບຍືນຍົງເຂົ້າກັບວັດທະນະທໍາບັນດາປະເທດໃນພາກພື້ນອາຊີຕາເວັນອອກສ່ຽງໃຕ້, ເປັນພື້ນຖານເພື່ອເຊື່ອມຕົວກັບວັດທະນະທໍາບັນດາປະເທດອື່ນໃນໂລກ.
ລາງວັນວັນນະຄະດີ ແມ່ນໍ້າຂອງ ຄັ້ງທີ 10 ຈະໄດ້ຈັດຕັ້ງຢູ່ ມຽນມາ.
ແປໂດຍ: ເຈິ່ນຮວ່ຽນ