ປຸກລະດົມການແຂ່ງຂັນຖ່າຍຮູບ “ຊາວຮ່າໂນ້ຍສຸພາບ, ສິວີໄລ 2018”
ກປ.ອອນໄລ - ຕອນເຊົ້າວັນທີ 19 ພຶດສະພາ, ໜັງສືພິມຮ່າໂນ້ຍໃໝ່ ໄດ້ຈັດຕັ້ງປຸກລະດົມການແຂ່ງຂັນຖ່າຍຮູບ “ຊາວຮ່າໂນ້ຍສຸພາບ, ສິວິໄລ 2018”, ວາງສະແດງບັນດາຮູບພາບ ຍາດໄດ້ລາງວັນສູງໃນການແຂ່ງຂັນ ປີ 2017 ແລະສະເໜີຕົວຄໍລໍາ “ຊາວຮ່າໂນ້ຍສຸພາບ, ສິວິໄລ” ຢູ່ໃນໜັງສືພິມຮ່າໂນ້ຍໃໝ່ອອນໄລ.
ການແຂ່ງຂັນເພື່ອແນໃສ່ປະຕິບັດແຜນການໂຄສະນາ ຂອງຄະນະພັກນະຄອນຮ່າໂນ້ຍ ກ່ຽວກັບການ “ພັດທະນາວັດທະນະທໍາ-ສັງຄົມ, ຍົກສູງຄຸນນະພາບແຫຼ່ງຊັບພະຍາກອນມະນຸດຂອງນະຄອນຫຼວງ, ກໍ່ສ້າງຊາວຮ່າໂຮ້ຍໃຫ້ມີຄວາມສິວິໄລໄລຍະ 2016-2020” ປີ 2018, ໃນນັ້ນມີເນື້ອໃນທີ່ກ່ຽວຂ້ອງເຖິງເລື່ອງຍູ້ແຮງການໂຄສະນາກົດແຫ່ງການປະພຶດສອງສະບັບ ເຊິ່ງນະຄອນຮ່າໂນ້ຍໄດ້ປະກາດໃຊ້ ແມ່ນ: ກົດແຫ່ງການປະພຶດຂອງພະນັກງານ, ພາລະກອນ, ລັດຖະກອນ, ຜູ້ອອກແຮງງານໃນບັນດາອົງການຂຶ້ນກັບນະຄອນຮ່າໂນ້ຍ ແລະກົດແຫ່ງການປະພຶດ ຢູ່ສະຖານທີ່ສາທາລະນະໃນບໍລິເວນນະຄອນ ຮ່າໂນ້ຍ.
|
|
ງານວາງສະແດງຮູບພາບ “ຊາວຮ່າໂນ້ຍສຸພາບ, ສິວິໄລ” ຢູ່ເຂດໜອງ ຮ່ວານກ໋ຽມ. ພາບ: ເວືອງຮ່າ. |
ບັນດາຮູບພາບເຂົ້າຮ່ວມການແຂ່ງຂັນໄດ້ຖ່າຍໃນບໍລິເວນຮ່າໂນ້ຍ, ສ່ອງແສງໃຫ້ເຫັນບັນດາການກະທໍາທີ່ດີງາມ ແລະຍັງບໍ່ທັນດີງາມໃນການປະຕິບັດບັນດາຂໍ້ກໍານົດ ໃນກົດແຫ່ງການປະພຶດສອງສະບັບດັ່ງກ່າວ. ຄະນະຈັດຕັ້ງ ຈະຮັບບັນດາຮູບພາບເຂົ້າຮ່ວມການແຂ່ງຂັນເຖິງວັນທີ 1 ຕຸລາ 2018 ຈຶ່ງອັດລົງ.
ຍອດມູນຄ່າລາງວັນຂອງການແຂ່ງຂັນ ແມ່ນ 170.000.000 ດົ່ົງ.
ແປໂດຍ: ທູຈາງ