ກ່າວຄໍາເຫັນທີ່ພິທີ, ທ່ານ ຫງວຽນຢູງ, ຮອງປະທານຄະນະກໍາມະການປະຊາຊົນແຂວງ ເທື່ອທຽນເຫວ້ - ຫົວໜ້າຄະນະຈັດຕັ້ງ Festival ເຫວ້ 2018 ເນັ້ນໜັກວ່າ: “Festival ເຫວ້ ຄັ້ງທີ X ປີ 2018 ສ້າງຄວາມປະທັບໃຈຍາກທີ່ຈະຈືດຈາງໄປໄດ້ໃຫ້ພວກເຮົາແຕ່ລະຄົນ. ນັ້ນແມ່ນກໍາລັງໜູນຊຸກຍູ້ການອະນຸລັກຮັກສາ ແລະເສີມຂະຫຍາຍບັນດາຄຸນຄ່າດ້ານວັດທະນະທໍາ, ສິລະປະຂອງປະເທດ, ຂອງບ້ານເກີດເມືອງນອນ, ປະກອບສ່ວນພັດທະນາການບໍລິການ-ທ່ອງທ່ຽວ, ພັດທະນາເສດຖະກິດ-ສັງຄົມ, ຢັ້ງຢືນວ່າ ເທື່ອທຽນ-ເຫວ້ ສົມເປັນນະຄອນ Festival ທີ່ເປັນເອກະລັກສະເພາະ, ນະຄອນທ່ອງທ່ຽວ, ນະຄອນມໍລະດົກ, ແມ່ນໜຶ່ງໃນບັນດາສູນວັດທະນະທໍາ-ທ່ອງທ່ຽວ ທີ່ເປັນເອກະລັກສະເພາະຂອງ ຫວຽດນາມ”.

leftcenterrightdel
ລາຍການຍິງບັ້ງໄຟດອກໃນລາຍການສະແດງສິລະປະທີ່ພິທີອັດ Festival ເຫວ້ 2018. ພາບ: tuoitre.vn.
leftcenterrightdel
 ລາຍການຟ້ອນລຳ “ເຫວ້ແຫ່ງຄວາມຮັກແພງ”. ພາບ: tuoitre.vn.
leftcenterrightdel
ລາຍການຟ້ອນ “ຖະຫວາຍດອກບົວ”. ພາບ: tuoitre.vn.
leftcenterrightdel
 ລາຍການຟ້ອນລຳ “ບ້ານເກີດເມືອງນອນ, ຄວາມຮັກ ແລະໄວໜຸ່ມ”. ພາບ: tuoitre.vn.

ລາຍການສະແດງສິລະປະທີ່ພິທີອັດ Festival ເຫວ້ 2018 ດ້ວຍຫົວຂໍ້ວ່າ “ເຫວ້! ບົດເພງແຫ່ງຄວາມຜູກພັນຮັກໄຄ່!” ໄດ້ເຊື່ອມຕໍ່ທໍານອງເພງຂອງບັນດາເຂດພາຍໃນ ແລະຕ່າງປະເທດຄື: ມົງໂກນ, ໄທ, ຟີລິບປິນ ຢ່າງກົມກຽວເຮັດໃຫ້ຄວາມງາມຂອງທໍາມະຊາດ, ມະນຸດ ແລະຄວາມຮັກຕໍ່ບ້ານເກີດເມືອງນອນ, ປະເທດຊາດພົ້ນເດັ່ນຂຶ້ນ. Festival ເຫວ້ ຄັ້ງທີ X ປີ 2018 ໄດ້ປະສົບຜົນສໍາເລັດຢ່າງຈົບງາມ ແລະຮັບການຕີລາຄາວ່າແມ່ນ Festival ທີ່ສ້າງຄວາມປະທັບໃຈ, ເປັນເອກະລັກສະເພາະ, ເປັນມິດສະໜິດສະໜົມ, ປອດໄພ.

 

ແປໂດຍ: ເຈິ່ນຮວ່ຽນ