ເປີດສະຫຼອງ “Espace France” ຢູ່ຮ່າໂນ້ຍ
ກປ.ອອນໄລ - ວັນທີ 22 ກຸມພາ, ພິທີເປີດສະຫຼອງ Espace France ໄດ້ດໍາເນີນຢູ່ມະຫາວິທະຍາໄລພາສາຕ່າງປະເທດ - ມະຫາວິທະຍາໄລແຫ່ງຊາດ ຮ່າໂນ້ຍ (ULIS). ນີ້ແມ່ນ Espace France ແຫ່ງທໍາອິດຢູ່ຮ່າໂນ້ຍ ແລະເປັນ Espace France ແຫ່ງທີ 4 ຢູ່ຫວຽດນາມ.
ກ່າວຄໍາເຫັນທີ່ພິທີ, ທ່ານ Bertrand Lortholary ເອກອັກຄະລັດຖະທູດຝຣັ່ງປະຈໍາຫວຽດນາມ ເນັ້ນໜັກວ່າ, ການພັດທະນາຕາໜ່າງ Espace France ເປັນພາຫະນະຊ່ວຍໃຫ້ໄວໜຸ່ມສອງປະເທດຫຍັບມໍ່ໆເຂົ້າກັນກວ່າ ແລະນໍາມາບັນດາການເຄື່ອນໄຫວຝຣັ່ງໂກໂຟນີອັນໃກ້ຊິດທີ່ສຸດໃຫ້ແກ່ນັກສຶກສາ.
|
|
ທ່ານ Bertrand Lortholary ເອກອັກຄະລັດຖະທູດຝຣັ່ງປະຈໍາຫວຽດນາມ (ເບື້ອງຂວາ) ແລະທ່ານປອ. ໂດ໋ມິງຕ໋ວນ - ອະທິການບໍດີມະຫາວິທະຍາໄລພາສາຕ່າງປະເທດ - ມະຫາວິທະຍາໄລແຫ່ງຊາດຮ່າໂນ້ຍ ຢ້ຽມຊົມ Espace France. ພາບ: ລາມແອງ. |
ບັນດາການເຄື່ອນໄຫວຂອງ Espace France ລວມມີ: ໜູນຊ່ວຍບັນດາຄູອາຈານສອນພາສາຝຣັ່ງຂອງ ULIS ແລະບັນດາໂຮງຮຽນມັດທະຍົມຕອນປາຍແຫ່ງຕ່າງໆຢູ່ຮ່າໂນ້ຍ ຜ່ານການການເຄື່ອນໄຫວຈັດຕັ້ງຫ້ອງຮຽນ, ໜູນຊ່ວຍການສິດສອນ; ໜູນຊ່ວຍວຽກງານສິດສອນ ແລະຄຸ້ມຄອງບັນດາ ໂຄງການສຶກສາຂອງສະມາຄົມຄູອາຈານສອນພາສາຝຣັ່ງຮ່າໂນ້ຍ; ສະໜອງຂໍ້ມູນກ່ຽວກັບການໄປຮຽນຢູ່ຝຣັ່ງ; ຈັດຕັ້ງສະໂມສອນວັດທະນະທໍາ ແລະຮູບເງົາຢູ່ທີ່ໂຮງຮຽນ. ທີ່ນີ້, ບັນດາຜູ້ຮັກພາສາຝຮັ່ງສາມາດສໍາຜັດແຫຼ່ງປື້ມ, ໜັງສືພິມ, ວາລະສານ ແລະບັນດາວິທີສິດສອນ, ຮຽນພາສາຕ່າງປະເທດແບບໃໝ່.
ໂດຍ: ໄຊຊະນະ