ກອງປະຊຸມແພດສາດ - ຊີວະສາດອາຊີ ຄັ້ງທີ IV
ກປ.ອອນໄລ - ຕອນເຊົ້າວັນທີ 6 ທັນວາ, ທີ່ນະຄອນດ່າໜັງ ໄດ້ດຳເນີນພິທີໄຂກອງປະຊຸມແພດສາດ - ຊີວະສາດອາຊີ ຄັ້ງທີ IV, ດ້ວຍຫົວຂໍ້ “ແພດສາດ - ຊີວະສາດສະຕະວັດ 21: ວິໄສທັດ ອາຊີ”. ກອງປະຊຸມໂດຍພະແນກການແພດການຢາ ສັງກັດມະຫາວິທະຍາໄລດ່າໜັງ ເປັນເຈົ້າພາບຈັດຕັ້ງຄັ້ງທຳອິດຢູ່ ຫວຽດນາມ.
ດ້ວຍຄາດໝາຍຍົກສູງຄວາມຮັບຮູ້ກ່ຽວກັບຄວາມສຳຄັນທີ່ມີລັກສະນະທົ່ວໂລກຂອງບັນດາກິດຈະກຳຄົ້ນຄ້ວາແພດສາດ - ຊີວະສາດໃນການສົ່ງເສີມສຸຂະພາບ ແລະປະຕິບັດຄລີນິກ, ກອງປະຊຸມດຶງດູດຜູ້ແທນພາຍໃນ ແລະພາກພື້ນອາຊີຕາເວັນອອກສ່ຽງໃຕ້ກວ່າ 200 ຄົນເຂົ້າຮ່ວມ, ໃນນັ້ນມີສາດສະດາຈານ, ປະລິນຍາເອກ, ບັນດາແພດໝໍຄລີນິກ, ນັກຄົ້ນຄວ້າ, ນັກຊ່ຽວຊານເຕັກນິກແພດສາດ - ຊີວະສາດ ແລະບັນດານັກຊ່ຽວຊານສາທາລະນະສຸກ 25 ຄົນ.
|
|
ຜູ້ແທນມາຈາກບັນດາປະເທດອາຊີ ເຂົ້າຮ່ວມກອງປະຊຸມ 200 ຄົນ. ພາບ: dantri.com.vn |
ທີ່ກອງປະຊຸມ, ບັນດາຜູ້ແທນຈະປຶກສາຫາລືກ່ຽວກັບ 6 ຫົວເລື່ອງທີ່ກ່ຽວຂ້ອງເຖິງການໜູນໃຊ້ຄລີນິກ, ແພດສາດບຸກຄົນ; ຕີລາຄາໄພພິບັດ, ເຕັກນິກແພດສາດ - ຊີວະສາດ, ຂໍ້ມູນໃຫຍ່ ແລະການແພດພື້ນເມືອງ. ໃນລາຍການນີ້, ບັນດານັກວິທະຍາສາດກໍ່ຈະລາຍງານບັນດາຄວາມກ້າວໜ້າໃໝ່ທີ່ສຸດໃນການຄົ້ນຄວ້າການແພດ.
ໂດຍ: ທູຮັ່ງ