ມີ 318 ບົດປະພັນເຂົ້າຮ່ວມງານມະໂຫລານໂທລະພາບທົ່ວກອງທັບຄັ້ງທີ XII
ກປ.ອອນໄລ - ຕອນເຊົ້າວັນທີ 13 ກັນຍາ, ຢູ່ນະຄອນເກີ່ນເທີ, ຄະນະຈັດຕັ້ງງານມະໂຫລານໂທລະພາບທົ່ວກອງທັບຄັ້ງທີ XII ໄດ້ຈັດຕັ້ງງານພົບປະສື່ມວນຊົນ.
ຕາມຄະນະຈັດຕັ້ງແລ້ວ, ງານມະໂຫລານໂທລະພາບທົ່ວກອງທັບຄັ້ງທີ XII ຈະຈັດຕັ້ງໃນລະຫວ່າງວັນທີ 16 - 23 ກັນຍາ, ມີ 121 ກົມກອງຈົດທະບຽນເຂົ້າຮ່ວມດ້ວຍ 318 ບົດປະພັນ, ໃນນັ້ນມີສາລະຄະດີ 149 ບົດ, ຮູບເງົາເອກະສານ 58 ບົດ, ສາລະຄະດີຫົວເລື່ອງສະເພາະກ່ຽວກັບວິທະຍາສາດ-ການສຶກສາດ້ານປ້ອງກັນຊາດ 13 ບົດ ແລະ 98 ລາຍການ “ທົ່ວປວງຊົນປ້ອງກັນຊາດ”, “ເພື່ອອະທິປະໄຕຄວາມໝັ້ນຄົງຢູ່ເຂດຊາຍແດນແຫ່ງຊາດ”. ນີ້ແມ່ນຄັ້ງທຳອິດທີ່ໜັງສືພິມກອງທັບປະຊາຊົນເຂົ້າຮ່ວມງານມະໂຫລານດ້ວຍ 3 ບົດປະພັນໂທລະພາບ.
|
|
ບັນຍາກາດທີ່ກອງປະຊຸມຂ່າວ. ພາບ: dantri.com.vn. |
ນອກຈາກນັ້ນ, ງານມະໂຫລານຍັງຈັດຕັ້ງການເຄື່ອນໄຫວທີ່ມີຄວາມໝາຍຫຼາຍຢ່າງ ຄື: ມອບເຮືອນແຫ່ງສາຍຈິດມິດໃຈ 5 ຫຼັງຢູ່ແຂວງຕ່ຽນຢາງ, ຊ໋ອກຈັງ ແລະເກີ່ນເທີ; ມອບຂອງຂວັນໃຫ່ບັນດາຄອບຄົວເປົ້າໝາຍນະໂຍບາຍ; ຈັດຕັ້ງການກວດ, ປິ່ນປົວພະຍາດ, ສະໜອງຢຸກຢາໂດຍບໍ່ເສຍຄ່າໃຫ້ປະຊາຊົນຢູ່ນະຄອນເກີ່ນເທີ.
ໂດຍ: ທູຮັ່ງ