ໄຂງານມະໂຫລານສິລະປະຂັບແທນ, ເຄື່ອງດົນຕີພິນຕິງຂອງບັນດາເຜົ່າ ໄຕ່, ນຸ່ງ, ທ໋າຍ ປີ 2018
ກປ.ອອນໄລ - ຕອນຄ່ຳວັນທີ 13 ພຶດສະພາ, ກະຊວງວັດທະນະທຳ, ກິລາ ແລະທ່ອງທ່ຽວຫວຽດນາມ ໄດ້ສົມທົບກັບຄະນະກຳມະການປະຊາຊົນແຂວງ ຮ່າຢາງ ຈັດຕັ້ງພິທີໄຂງານມະໂຫລານສິລະປະຂັບແທນ, ເຄື່ອງດົນຕີພິນຕິງຂອງບັນດາເຜົ່າໄຕ່, ນຸ່ງ, ທ໋າຍ ໃນທົ່ວປະເທດຄັ້ງທີ VI, ປີ 2018 ແລະປະກາດແຜນຜັງເຂດທ່ອງທ່ຽວແຫ່ງຊາດພູພຽງຫີນ ດົ່ງວັນ, ແຂວງ ຮ່າຢາງ.
|
|
ລາຍການສະແດງສິລະປະໃນພິທີໄຂ. ພາບ: ເວືອງຮ່າ. |
ດ້ວຍການເຂົ້າຮ່ວມຂອງນັກສິລະປະ, ນັກສະແດງຂັບແທນ, ນັກດົນຕີພິນຕິງ 300 ຄົນມາຈາກ 14 ແຂວງ, ນະຄອນໃນທົ່ວປະເທດ, ລາຍການສະແດງສິລະປະໃນຄ່ຳຄືນໄຂງານມະໂຫລານໄດ້ນຳມາໃຫ້ຜູ້ຊົມບັນດາງານບຸນທີ່ເປັນມູນເຊື້ອ, ເປັນເອກະລັກສະເພາະ, ເຂັ້ມຂຸ້ນໄປດ້ວຍວັດທະນະທຳຂອງພໍ່ແມ່ພີ່ນ້ອງບັນດາເຜົ່າ ໄຕ່, ນຸ່ງ, ທ໋າຍ ຜ່ານບັນດາທຳນອງຂັບແທນ, ຟ້ອນແທນ, ແລະເຄື່ອງດົນຕີພິນຕິງ.
ກ່າວຄຳເຫັນທີ່ພິທີໄຂ, ທ່ານ ເວືອງຢຸຍບຽນ, ຮອງລັດຖະມົນຕີກະຊວງວັດທະນະທຳ, ກິລາ ແລະທ່ອງທ່ຽວ ເນັ້ນໜັກວ່າ: “ຂັບແທນ, ການຫຼີ້ນເຄື່ອງດົນຕີພິນຕິງ ໄດ້ປະກອບສ່ວນສ້າງລັກສະນະຫຼາຍຮູບຫຼາຍແບບໃນວັດທະນະທຳ ກໍ່ຄື ໃນການດຳເນີນຊີວິດປະຊາຄົມບັນດາເຜົ່າ”.
ແປໂດຍ: ທູຮັ່ງ