ນີ້ແມ່ນຂໍ້ມູນໂດຍຄະນະຈັດຕັ້ງງານບຸນອາຫານການກິນ ແລະວັດທະນະທໍາອາຊີ 2018 ປະກາດທີ່ການປະຊຸມຂ່າວຢ່າງເປັນທາງການໃຫ້ເຫດການທີ່ດໍາເນີນໃນຕອນເຊົ້າວັນທີ 12 ເມສາ ຢູ່ ຮ່າໂນ້ຍ.

ບັນດາເຫດການດັ່ງກ່າວ ເພື່ອແນໃສ່ຕອບສະໜອງ “ປີທ່ອງທ່ຽວແຫ່ງຊາດ 2018” ດ້ວຍຫົວຂໍ້ “ຮ້າລອງມໍລະດົກ, ສິ່ງມະຫັດສະຈັນ-ຈຸດນັດພົບທີ່ສະໜິດສະໜົມ”. ດ້ວຍເປົ້າໝາຍເຊີດຊູຈຸດຍອດຢ້ຽມ, ຫຼາຍຮູບຫຼາຍແບບກ່ຽວກັບອາຫານການກິນກໍ່ຄື ວັດທະນະທຳທີ່່ເປັນເອກະລັກສະເພາະຂອງບັນດາປະເທດໃນພາກພື້ນອາຊີ, ງານບຸນປະກອບມີ 100 ຮ້ານອາຫານ, ໃນນັ້ນມີປະມານ 70 ຮ້ານອາຫານແມ່ນຂອງບັນດາວິສາຫະກິດ ຫວຽດນາມ  ແລະ 30 ຮ້ານອາຫານແມ່ນມາຈາກ ມຽນມາ, ຍີ່ປຸ່ນ, ສ. ເກົາຫຼີ.

leftcenterrightdel
ຄະນະຈັດຕັ້ງແນະນໍາງານບຸນອາຫານການກິນ ແລະວັດທະນະທໍາອາຊີ 2018. ພາບ: baomoi.com.

ທ່ານນາງ ຟ້າມທິຖາວ, ຫົວໜ້າຫ້ອງການກຸ່ມບໍລິສັດ HD Mon Holdings, ຕາງໜ້ານັກອຸປະຖໍາ, ໃຫ້ຮູ້ວ່າ: ດ້ວຍຄວາມປາດຖະໜາວ່າງານບຸນຈະສ້າງຄວາມດຶງດູດ, ດ້ວຍບັນດາເນື້ອໃນເຄື່ອນໄຫວທີ່ສົມກັບງານບຸນລະດັບສະກົນ, ລາຍການໃນງານບຸນໄດ້ຮັບການສ້າງຂຶ້ນ ເພື່ອແນໃສ່ຮັບໃຊ້ບັນດາເປົ້າໝາຍບຸກຄົນ ແລະຄອບຄົວຢູ່ ຮ່າໂນ້ຍ, ຮ້າລອງ, ບັນດາເຂດອ້ອມຂ້າງ, ແຂກທ່ອງທ່ຽວ ຫວຽດນາມ ແລະສາກົນ.

ຢູ່ ຮ່າໂນ້ຍ, ງານບຸນໄດ້ດໍາເນີນໃນລະຫວ່າງວັນທີ 20-22 ເມສາ 2018 ຢູ່ Mon City ມິດິ່ງ, ເຮືອນເລກທີ 2 ຖະໜົນ ເລດຶກທໍ້, ມິດິ່ງ, ຮ່າໂນ້ຍ. ລາຍການຈະເລີ່ມຕົ້ນແຕ່ເວລາ 10 ໂມງເຊົ້າຂອງທຸກວັນດ້ວຍບັນດາລາຍການສະແດງສິລະປະ, ແນະນຳອາຫານການກິນທີ່ເປັນເອກະລັກສະເພາະຈາກບັນດານັກສິລະປິນທີ່ມີຊື່ສຽງ ແລະບັນດານັກຊ່ຽວຊານດ້ານອາຫານການກິນສາກົນ.

ຢູ່ ຮ້າລອງ, ງານບຸນໄດ້ດໍາເນີນແຕ່ລະຫວ່າງວັນທີ 27-29 ເມສາ 2018 ຢູ່ສະໜາມຫຼວງ 30 ຕຸລາ, ຖະໜົນ ເຈິ່ນກວກຫງຽນ, ນະຄອນ ຮ້າລອງ. ແລ່ນ MonRun ແມ່ນການເຄື່ອນໄຫວທີ່ມີຄວາມໝາຍ ແລະມະນຸດສະທໍາທີ່ສຸດໃນງານບຸນອາຫານການກິນ ແລະວັດທະນະທໍາອາຊີ 2018.

ຕາມທ່ານ ຫງວຽນຮຸຍເກືອງ, ສະມາຊິກຄະນະຈັດຕັ້ງ, ຈຸດພິເສດຂອງງານບຸນແມ່ນຄົນເຂົ້າຮ່ວມບໍ່ໄດ້ໃຊ້ເງິນສົດ. ການແລກປ່ຽນ, ຊໍາລະທັງໝົດຢູ່ຮ້ານຕ່າງໆໃນຂອບເຂດງານບຸນລ້ວນແຕ່ໃຊ້ coupon ທີ່ຂາຍຢູ່ຮ້ານໜູນຊ່ວຍເພືື່ອຊໍາລະ.

 

ແປໂດຍ: ກວຽດເຕີມ