ນັກຮຽນເຂົ້າຮ່ວມງານແຂ່ງຂັນ “ນ້ອງຮັກທະເລ, ໝູ່ເກາະແຫ່ງບ້ານເກີດເມືອງນອນ” ເກືອບ 100 ຄົນ

ບັນດານັກຮຽນເຂົ້າຮ່ວມງານແຂ່ງຂັນຢ່າງຟົດຟື້ນມ່ວນຊື່ນ. ພາບ: ງອັກຮວາ

ໃນງານແຂ່ງຂັນມີຜູ້ເຂົ້າເສັງ 87 ຄົນຕາງໜ້າໃຫ້ບັນດານັກຮຽນຂອງໂຮງຮຽນມັດທະຍົມຕອນຕົ້ນ ອຽນບັກ. ເນື້ອໃນຂອງງານແຂ່ງຂັນແມ່ນບັນດາຄຳຖາມດ້ານຄວາມຮູ້ກ່ຽວກັບຂົງເຂດທະເລ, ໝູ່ເກາະຫວຽດນາມ, ໂຄສະນາກ່ຽວກັບຜົນຮ້າຍຂອງຢາເສບຕິດສຳລັບໂຮງຮຽນ, ສຶກສາອົບຮົມມູນເຊື້ອຂອງທ້ອງຖິ່ນ... ທີ່ງານແຂ່ງຂັນ, ຄະນະຈັດຕັ້ງກໍ່ດຳເນີນການມອບທຶນສຶກສາໃຫ້ບັນດານັກຮຽນທີ່ປະສົບກັບຄວາມຫຍຸ້ງຍາກ 10 ທຶນ, ມອບລົດຖີບໃຫ້ນັກຮຽນແມ່ນລູກຂອງບັນດາຄອບຄົວນະໂຍບາຍ ແລະຄອບຄົວທຸກຍາກ 10 ຄັນແລະມອບຂອງຂວັນໃຫ້ຄອບຄົວນະໂຍບາຍ, ຄອບຄົວປະສົບກັບຄວາມຫຍຸ້ງຍາກ 20 ພູດ.

ແປໂດຍ: ທູຮັ່ງ