ເຂົ້າຮ່ວມພິທີມີທ່ານ ເຈືອງມິງຕ໋ວນ, ກໍາມະການສູນກາງພັກ, ລັດຖະມົນຕີກະຊວງຖະແຫຼງຂ່າວ ແລະສື່ສານຫວຽດນາມ.

ກ່າວຄໍາເຫັນໄຂສະແຕມຊຸດພິເສດ, ທ່ານ ຫງວຽນມິງຮົ່ງ ຮອງລັດຖະມົນຕີກະຊວງຖະແຫຼງຂ່າວ ແລະສື່ສານ ໃຫ້ຮູ້ວ່າ: ເພື່ອຢັ້ງຢືນຄວາມໝາຍຂອງ ການບຸກໂຈມຕີ ແລະລຸກຮື້ຂຶ້ນຂະໜາດໃຫຍ່ຍາມລະດູບານໃໝ່ປີວອກ 1968 ແລະບັນດາບົດຮຽນທີ່ມີຄຸນຄ່າທາງດ້ານທິດສະດີ ແລະພຶດຕິກໍາຕົວຈິງຢ່າງເລິກເຊິ່ງ, ກະຊວງຖະແຫຼງຂ່າວ ແລະສື່ສານ ໄດ້ຈັດຕັ້ງການພິມຈໍາໜ່າຍສະແຕມໄປສະນີຊຸດພິເສດ “ສະເຫຼີມສະຫຼອງ 50 ປີແຫ່ງການບຸກໂຈມຕີ ແລະລຸກຮື້ຂຶ້ນຂະໜາດໃຫຍ່ຍາມລະດູບານໃໝ່ປີວອກ 1968 (1968-2018)” ແລະຈັດຕັ້ງພິທີພິມຈໍາໜ່າຍພິເສດຢູ່ນະຄອນຫຼວງ ຮ່າໂນ້ຍ.

leftcenterrightdel
ທ່ານ ຫງວຽນມິງຮົ່ງ ຮອງລັດຖະມົນຕີກະຊວງຖະແຫຼງຂ່າວ ແລະສື່ສານຫວຽດນາມ ກ່າວຄໍາເຫັນທີ່ພິທີ. ພາບ: ວັນຟອງ

ທ່ານ ຫງວຽນມິງຮົ່ງ ຮອງລັດຖະມົນຕີກະຊວງຖະແຫຼງຂ່າວ ແລະສື່ສານ ໃຫ້ຮູ້ຕື່ມອີກວ່າ, ສະແຕມຊຸດພິເສດ ໂດຍຈິດຕະກອນ ເຈິ່ນເທ໋ວິງ ອອກແບບດ້ວຍພາສາຈິດຕະກໍາທີ່ເປັນເອກະລັກສະເພາະ ແລະການປະສົມປະສານສີຢ່າງກົມກຽວ. ເບື້ອງເທິງແມ່ນຮູບນົກກາງແກ, ສະແດງໃຫ້ເຫັນຄວາມຄາດຫວັງກ່ຽວກັບຄວາມເປັນເອກະລາດ, ອິດສະຫຼະພາບ ແລະສັນຕິພາບມາໃຫ້ປະເທດຊາດ, ແມ່ນຄວາມເຊື່ອໝັ້ນຕໍ່ການນໍາພາຂອງພັກ, ແມ່ນກໍາລັງແຮງຂອງກຸ່ມກ້ອນມະຫາສາມັກຄີທົ່ວປວງຊົນທັງຊາດ ແລະນໍ້າໃຈສາມັກຄີສາກົນອັນສູງສົ່ງ”.

leftcenterrightdel
ບັນດາຜູ້ແທນເຂົ້າຮ່ວມເປັນສັກຂີພິຍານພິທີພິມຈໍາໜ່າຍຊຸດສະແຕມ. ພາບ: ວັນຟອງ

ຊຸດສະແຕມ ໄດ້ພິມຈໍາໜ່າຍໃນວັນທີ 8 ກຸມພາ 2018 ຕາມພິທີການພິເສດຢູ່ນະຄອນຫຼວງ ຮ່າໂນ້ຍ. ການພິມຈໍາໜ່າຍຊຸດສະແຕມບໍ່ພຽງແຕ່ປະກອບສ່ວນເຊີດຊູບັນດາການປະກອບສ່ວນອັນໃຫຍ່ຫຼວງຂອງຮຸ່ນພໍ່ຮຸ່ນອ້າຍທີ່ໄດ້ຕໍ່ສູ້, ເສຍສະຫຼະຊີວິດຢ່າງພິລະອາດຫານໃຫ້ແກ່ພາລະກິດຕໍ່ສູ້ເພື່ອ ເອກະລາດ, ອິດສະຫຼະພາບ ແລະທ້ອນໂຮມປະເທດຊາດເປັນເອກະພາບເທົ່ານັ້ນ, ຫາກຍັງແມ່ນໂອກາດເພື່ອສຶກສາມູນເຊື້ອຕໍ່ສູ້ປະຕິວັດ ແລະນໍ້າໃຈ ຮັກຊາດໃຫ້ແກ່ຄົນຮຸ່ນໜຸ່ມໃນປັດຈຸບັນ.

leftcenterrightdel
ຊຸດສະແຕມ “ສະເຫຼີມສະຫຼອງ 50 ປີແຫ່ງການບຸກໂຈມຕີ  ແລະລຸກຮື້ຂຶ້ນຂະໜາດໃຫຍ່ຍາມລະດູບານໃໝ່ປີວອກ 1968 (1968-2018)”. ພາບ: ວັນຟອງ

ຊຸດສະແຕມ ໂດຍຈິດຕະກອນ ເຈິ່ນເທ໋ວິງ ອອບແບບຕາມຂະໜາດ 31 x 46 mm, ລາຄາແມ່ນ 3000 ດົ່ງ, ໄດ້ສະໜອງໄປທົ່ວເຄືອຂ່າຍໄປສະນີແຕ່ວັນທີ 8 ກຸມພາ 2018 ຈົນເຖິງວັນທີ 31 ທັນວາ 2019.

 

ແປໂດຍ: ຮວ່າງເຈື່ອງ