ພໍ່ແມ່ປະຊາຊົນບັນດາເຜົ່າກວ່າ 100 ຄົນເຂົ້າຮ່ວມລາຍການ “ສີສັນເຂດພູສູງ” ຢູ່ ຮ່າໂນ້ຍ
ກປ.ອອນໄລ - ປະຊາຊົນບັນດາເຜົ່າ: ໄຕ່, ຢາວ, ມົງ, ໄທ, ເມື່ອງ… ກວ່າ 100 ຄົນທີ່ມາຈາກ 10 ແຂວງ, ນະຄອນໃນທົ່ວປະເທດ ແລະບັນດານັກສິປະປິນຂອງໂຮງລະຄອນແຈ່ວຫວຽດນາມ, ໂຮງລະຄອນຕຸກກະຕາ ຫວຽດນາມ, ມະຫາວິທະຍາໄລວັດທະນະທໍາ ຮ່າໂນ້ຍ ໄດ້ເຂົ້າຮ່ວມລາຍການ “ສີສັນເຂດພູສູງ” ເຊິ່ງດໍາເນີນຢູ່ບ້ານວັດທະນະທໍາ-ທ່ອງທ່ຽວບັນດາເຜົ່າ ຫວຽດນາມ (ດົ່ງໂມ, ເຊີນໄຕ, ຮ່າໂນ້ຍ) ແຕ່່ວັນທີ 1 ຫາວັນທີ 31 ມັງກອນ 2018.
ລາຍການເພື່ອແນໃສ່ແນະນໍາບັນດາພິທີການ, ງານບຸນ, ຮີດຄອງປະເພນີເພື່ອຊ່ວຍນັກທ່ອງທ່ຽວມີຄວາມເຂົ້າໃຈຕື່ມອີກກ່ຽວກັບວັດທະນະທໍາ, ບັນດາການເຄື່ອນໄຫວທີ່ເປັນມູນເຊື້ອເພື່ອຂໍ່ານັບຮັບຕ້ອນບຸນເຕັດຂອງບັນດາເຜົ່າ; ປະກອບສ່ວນອະນຸລັກຮັກສາ, ເສີມຂະຫຍາຍການໂຄສະນາເຜີຍແຜ່ບັນດາຄຸນຄ່າວັດທະນະທໍາທີ່ເປັນມູນເຊື້ອຂອງຊາດ; ເພີ່ມທະວີການພົບປະແລກປ່ຽນ, ຄວາມສາມັກຄີ, ສະໜິດຕິດພັນ, ໜູນຊ່ວຍຮ່ວມກັນພັດທະນາໃນໂອກາດຕົ້ນປີໃໝ່ 2018.
|
|
ລາຍການຕ້ອນຮັບບຸນເຕັດປີລະກາ 2017 ຂອງປະຊາຊົນບັນດາເຜົ່າຢູ່ບ້ານວັດທະນະທໍາ-ທ່ອງທ່ຽວບັນດາເຜົ່າຫວຽດນາມ. ພາບ: ແຄ໋ງຮ່ວຽນ |
ລາຍການປະກອບມີບັນດາການເຄື່ອນໄຫວຄື: “ລະດູບານໃໝ່ຢູ່ໃນບ້ານນ້ອງ”, “ວັນບານໃໝ່ກ້ອງກັງວານຄໍາຮ້ອງແທນ”. ພິເສດແມ່ນເມື່ອເຂົ້າຮ່ວມລາຍການ, ນັກທ່ອງທ່ຽວຈະໄດ້ “ດື່ມນ້ຳຊາທີ່ເປັນມູນເຊື້ອໃນຍາມລະດູບານໃໝ່”.
ນອກຈາກນັ້ນຍັງມີບັນດາການເຄື່ອນໄຫວປະດັບປະດາຂໍ່ານັບຮັບຕ້ອນບຸນເຕັດຢູ່ບັນດາໝູ່ບ້ານຊົນເຜົ່າຕາມປະເພນີບຸນເຕັດຂອງຊົນເຜົ່າຕົນ...
ລາຍການ “ສີສັນເຂດພູສູງ” ຈະແນະນຳວັດທະນະທໍາ, ອາຫານການກິນຂອງປະຊາຊົນບັນດາເຜົ່າຢູ່ນະຄອນ ຮ່າໂນ້ຍ, ສ້າງຄວາມຈັບອົກຈັບໃຈໃຫ້ແກ່ນັກທ່ອງທ່ຽວ.
ແປໂດຍ: ຈາງຫງວຽນ