ເຍົາວະຊົນເຂົ້າຮ່ວມການແຂ່ງຂັນແຕ້ມຮູບກ່ຽວກັບສັນຕິພາບເກືອບ 400 ຄົນ

ບັນດາຮູບແຕ້ມມີເນື້ອໃນຍ້ອງຍໍສັນລະເສີນຄວາມສວຍງາມຂອງນະຄອນຫຼວງ ຮ່າໂນ້ຍ, ນະຄອນເພື່ອສັນຕິພາບ ແລະສະແດງໃຫ້ເຫັນບັນດາຄວາມຮູ້ສຶກກ່ຽວກັບມະນຸດ, ຊີວິດສັນຕິພາບ, ຄວາມສະໜິດສະໜົມ, ຄວາມສາມັກຄີ, ມິດຕະພາບລະຫວ່າງບັນດາຊົນຊາດໃນໂລກ...

ພວກນ້ອງນ້ອຍເຂົ້າຮ່ວມການແຂ່ງຂັນແຕ້ມຮູບ. ພາບ: TTXVN

ສິ້ນສຸດການແຂ່ງຂັນ, ຄະນະຈັດຕັ້ງໄດ້ມອບລາງວັນທີໜຶ່ງໃຫ້ແກ່ນ້ອງ ຫງວຽນມິງເຟືອງ, ອາຍຸ 11 ປີ ດ້ວຍຮູບແຕ້ມ “ສັນຕິພາບ-ສາມັກຄີ-ມິດຕະພາບ”; ລາງວັນທີສອງ 3 ລາງວັນ ໄດ້ມອບໃຫ້ນ້ອງ Min Jin Yang, ອາຍຸ 14 ປີ ສັນຊາດ ສ.ເກົາຫຼີ ດ້ວຍຮູບແຕ້ມ “ສັນຕິພາບຂອງເດັກນ້ອຍ”; ເລຮົ່ງຍຸງ, ອາຍຸ 12 ປີ ດ້ວຍຮູບແຕ້ມ “ຈົ່ງຮ່ວມແຮງຮ່ວມໃຈປົກປັກຮັກສາສັນຕິພາບ”, ເຈີ່ນລິງຈີ, ອາຍຸ 9 ປີ ດ້ວຍຮູບແຕ້ມ “ສັນຕິພາບ”.

ແປໂດຍ: ທູຈາງ