ຫວຽດນາມ-ກູບາ ຊຸກຍູ້ການຮ່ວມມືດ້ານການຄ້າ
ຕາມຂ່າວສານຫວຽດນາມ, ທ່ານ ວູວັນຈູງ ຮອງຫົວໜ້າກົມການລົງທຶນຕ່າງປະເທດ, ກະຊວງແຜນການ ແລະການລົງທຶນຫວຽດນາມ ກ່າວໃນໂອກາດເຂົ້າຮ່ວມເວທີປາໄສການລົງທຶນ ຄັ້ງທີ 3 ຂອງກູບາ ໃນຂອບງານຕະຫລາດນັດສາກົນ ລາຮາວານ ຄັ້ງທີ 36 (FIHAV 2018) ຈັດຂຶ້ນ ຢູ່ປະເທດກູບາ ໃນວັນທີ 29 ເດືອນຕຸລາ - 2 ເດືອນພະຈິກ ວ່າ ຫວຽດນາມຢາກເພີ່ມທະວີການພົວພັນຮ່ວມມືດ້ານການຄ້າ ແລະການລົງທຶນກັບຄູ່ຮ່ວມມືກູບາ.
ຂະນະທ່ີສອງປະເທດພວມກ້າວສູ່ການລົງນາມສັນຍາການຄ້າຄັ້ງທຳອິດ ແລະເຊື່ອວ່າໃນຂອບນິຕິກຳໃໝ່ນີ້ຈະຊຸກຍູ້ການເຄື່ອນໄຫວການຄ້າເພື່ືອໃຫ້ສອງຝ່າຍບັນລຸເປົ້າໝາຍມູນຄ່າ 500 ລ້ານໂດລາສະຫະລັດ ຕໍ່ປີ ຕາມທ່ີກຳນົດໄວ້ໃນປີ 2022 ແລະເພີ່ມຂຶ້ື້ນສອງເທົ່າເມື່ອທຽບໃສ່ລະດັບສະເລ່ຍ 200 ລ້ານໂດລາສະຫະລັດ ຕໍ່ປີ ໃນ 5 ປີຜ່ານມາ. FIHAV 2018 ຄັ້ງນີ້ມີບັນດານັກທຸລະກິດ 2.500 ຄົນຈາກ 60 ປະເທດ ແລະເຂດແຄ້ວນຕ່າງໃນທົ່ວໂລກເຂົ້າຮ່ວມ.
ໂດຍ: ຂປລ