ສອງຝ່າຍໄດ້ກວດກາຄືນສະພາບການປະຕິບັດບົດບັນທຶກກອງປະຊຸມຄັ້ງທີ 20 ຄະນະກຳມະການລະຫວ່າງລັດຖະບານ, ແລກປ່ຽນ ແລະເຫັນດີເປັນເອກະພາບບັນດາມາດຕະການຊຸກຍູ້ການຮ່ວມມືສອງຝ່າຍ. ກ່ຽວກັບດ້ານການຄ້າ, ສອງຝ່າຍເຫັນດີເປັນເອກະພາບພິຈາລະນາ, ແກ້ໄຂບັນດາສິ່ງກີດຂວາງປອດພາສີໃນການນໍາເຂົ້າ - ສົ່ງອອກສິນຄ້າ, ພິເສດແມ່ນຜະລິດຕະພັນກະສິກໍາ, ສິນໃນນໍ້າ, ສິນທະເລ, ຜ່ານນັ້ນຍົກລະດັບວົງເງິນການຄ້າສອງສົ້ນຂຶ້ນເຖິງ 10 ຕື້ໂດລາສະຫະລັດໃນປີ 2020 ຄືຄາດໝາຍທີ່ການນຳສອງຝ່າຍວາງອອກ.

leftcenterrightdel
ບັນຍາກາດທີ່ກອງປະຊຸມ. ພາບ: ສໍານັກຂ່າວສານຫວຽດນາມ.

ກ່ຽວກັບດ້ານການເງິນ - ການທະນາຄານ, ສອງຝ່າຍໄດ້ແລກປ່ຽນບັນດາມາດຕະການເພື່ອແນໃສ່ຊຸກຍູ້ການພົວພັນແລກປ່ຽນສອງຝ່າຍດ້ວຍເງິນຕາພາຍໃນ. ສຳລັບຂົງເຂດພະລັງງານ, ສອງຝ່າຍຢັ້ງຢືນສືບຕໍ່ສ້າງເງື່ອນໄຂສະດວກໃຫ້ແກ່ບັນດາໂຄງການນ້ຳມັນອາຍແກັດລະຫວ່າງສອງປະເທດ. ສອງຝ່າຍກໍ່ໄດ້ສຸມໃສ່ການປຶກສາຫາລືກ່ຽວກັບບັນດາໂຄງການຮ່ວມມືດ້ານພື້ນຖານໂຄງລ່າງຄົມມະນາຄົມທີ່ມີແງ່ຫວັງ, ພິເສດແມ່ນການຄົມມະນາຄົມທາງລົດໄຟຢູ່ຫວຽດນາມ. ສອງຝ່າຍເຫັນດີເປັນເອກະພາບຈະຮັກສາການສົມທົບກັນເປັນປະຈໍາ, ຮັບປະກັນການປະຕິບັດບົດບັນທຶກກອງປະຊຸມຄັ້ງທີ 21 ຄະນະກຳມະການລະຫວ່າງລັດຖະບານຢ່າງມີປະສິດທິຜົນ ແລະເຫັນດີເປັນເອກະພາບດຳເນີນກອງປະຊຸມຄັ້ງຕໍ່ໄປຢູ່ຫວຽດນາມ ໃນປີ 2019.

leftcenterrightdel
ຮອງນາຍົກລັດຖະມົນຕີສອງທ່ານໄດ້ລົງນາມໃນບົດບັນທຶກກອງປະຊຸມຄັ້ງທີ 21 ຄະນະກຳມະການລະຫວ່າງລັດຖະບານຫວຽດນາມ - ສະຫະພັນລັດເຊຍ. ພາບ: ສໍານັກຂ່າວສານຫວຽດນາມ.

ສິ້ນສຸດກອງປະຊຸມ, ຮອງນາຍົກລັດຖະມົນຕີສອງທ່ານໄດ້ລົງນາມໃນບົດບັນທຶກກອງປະຊຸມຄັ້ງທີ 21 ຄະນະກຳມະການລະຫວ່າງລັດຖະບານຫວຽດນາມ - ສະຫະພັນລັດເຊຍ ກ່ຽວກັບການຮ່ວມມືດ້ານເສດຖະກິດ - ການຄ້າ ແລະວິທະຍາສາດ - ເຕັກນິກ; ເປັນສັກຂີພິຍານພິທີລົງນາມໃນບາງຂໍ້ຕົກລົງຮ່ວມມືລະຫວ່າງບັນດາວິສາຫະກິດ ແລະອົງການຈັດຕັ້ງສອງປະເທດກ່ຽວກັບທະນາຄານ, ໂທລະຄົມມະນາຄົມ, ການສຶກສາ ແລະບໍາລຸງສ້າງ.

ໂດຍ: ບົວພອນ