ສົ່ງເສີມວິສາຫະກິດຮ່ວມມືຫັນກະສິກໍາເປັນທັນສະໄໝ
ກປ.ອອນໄລ - ຕອນຄໍ່າວັນທີ 8 ສິງຫາ, ຢູ່່ນະຄອນໂຮ່ຈິມິນ, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ເຂົ້າຮ່ວມ ແລະເປັນສັກຂີພິຍານພິທີປະກາດການຮ່ວມມືຍຸດທະສາດຂອງບໍລິສັດຫຸ້ນສ່ວນຮວ່າງແອງຢາລາຍ (HAGL) ແລະບໍລິສັດຫຸ້ນສ່ວນລົດໂອໂຕ ເຈື່ອງຫາຍ (THACO).
ຕາມນັ້ນແລ້ວ, THACO ລົງນາມໃນຂໍ້ຕົກລົງຮ່ວມມືຍຸດທະສາດກັບບໍລິສັດຫຸ້ນສ່ວນຮວ່າງແອງຢາລາຍ ຢ່າງເປັນທາງການເພື່ອລົງທຶນເຂົ້າ 2 ບໍລິສັດ, ນັ້ນແມ່ນບໍລິສັດຫຸ້ນສ່ວນກະສິກໍາສາກົນຮວ່າງແອງຢາລາຍ (ບໍລິສັດກະສິກໍາ HNG) ແລະບໍລິສັດຮວ່າງແອງຢາລາຍ Myanmar Center. ຕາມຄໍາໝັ້ນສັນຍາໃນຂໍ້ຕົກລົງລົງທຶນເຂົ້າບໍລິສັດກະສິກໍາ HNG ແລ້ວ, THACO ຈະຮັບຜິດຊອບຕົ້ນຕໍໃນການສ້າງໂຄງປະກອບບໍລິສັດຄືນໃໝ່ດ້ວຍຍອດຈຳນວນທຶນຕໍ່ປະມານ 12.000 ຕື້ດົ່ງ.
|
|
ທ່ານນາຍົກລັດຖະມົນຕີ ຫງວຽນຊວນຟຸກ ເປັນສັກຂີພິຍານພິທີມອບຂໍ້ຕົກລົງຮ່ວມມືຍຸດທະສາດຂອງບໍລິສັດຫຸ້ນສ່ວນລົດໂອໂຕ ເຈື່ອງຫາຍ (THACO) ແລະບໍລິສັດຫຸ້ນສ່ວນກະສິກໍາສາກົນຮວ່າງແອງຢາລາຍ. ພາບ: ສໍານັກຂ່າວສານຫວຽດນາມ. |
ກ່າວຄໍາເຫັນທີ່ພິທີ, ທ່ານ ຫງວຽນຊວນຟຸກ ເນັ້ນໜັກວ່າດ້ວຍກຳລັງບົ່ມຊ້ອນດ້ານການເງິນ, ກໍາລັງຄວາມສາມາດ, ເຕັກໂນໂລຢີ, ທ່ານນາຍົກລັດຖະມົນຕີ ເຊື່ອໝັ້ນວ່າຂໍ້ຕົກລົງຈະຫັນຄວາມໃຝ່ຝັນຫັນກະສິກໍາເປັນທັນສະໄໝຂອງບັນດາວິສາຫະກິດເວົ້າສະເພາະ ແລະຂອງຂະແໜງກະສິກໍາຫວຽດນາມ-ລາວ-ກໍາປູເຈຍ ເວົ້າລວມໃຫ້ເປັນລະອຽດ.
ເນັ້ນໜັກວ່າບັນດາຍຸດທະສາດກ່ຽວກັບການກະທໍາ, ບັນດາແຜນນະໂຍບາຍ, ມະຕິໃນລະດັບມະຫາພາກຕ້ອງໄດ້ຮັບການສະໜັບສະໜູນຈາກພາກເອກະຊົນ, ບັນດາກຸ່ມບໍລິສັດໃຫຍ່, ທ່ານນາຍົກລັດຖະມົນຕີ ປາດຖະໜາວ່າຂໍ້ຕົກລົງດັ່ງກ່າວບໍ່ພຽງແຕ່ສ້າງແບບຢ່າງກ່ຽວກັບການໝູນໃຊ້ເຕັກໂນໂລຢີທັນສະໄໝໃນຂົງເຂດກະສິກໍາເທົ່ານັ້ນ, ຫາກຍັງແມ່ນການສ້າງທ່າອຽງຫັນປ່ຽນກະແສເງິນລົງທຶນຫຼາຍກວ່າກ່ຽວກັບກະສິກໍາ, ເປີດກວ້າງຕະຫຼາດ, ເຊື້ອເຊີນບັນດາວິສາຫະກິິດໃຫຍ່ລົງທຶນພັດທະນາກະສິກໍາອີກດ້ວຍ.
ພ້ອມກັບຂໍ້ຕົກລົງຮ່ວມມືນີ້, ທ່ານນາຍົກລັດຖະມົນຕີ ປາຖະໜາວ່າຂະແໜງກະສິກໍາ 3 ປະເທດຫວຽດນາມ, ລາວ, ກໍາປູເຈຍ ຈະໃກ້ຊິດ, ເພີ່ມເຕີມໃຫ້ກັນ, ປະກອບສ່ວນຍົກສູງລາຍຮັບໃຫ້ປະຊາຊົນ 3 ປະເທດ.
ໂດຍ: ຫງວຽນກຸກ