ເຕັກໂນໂລຢີ 4.0 ຂອງຫວຽດນາມ ສ້າງຄວາມປະທັບໃຈຢູ່ກອງປະຊຸມໂທລະສັບມືຖືໂລກປີ 2018
ກປ.ອອນໄລ - ກອງປະຊຸມໂທລະສັບມືຖືໂລກ ປີ 2018 (MWC 2018) ດໍາເນີນຢູ່ນະຄອນ Barcelona (ແອັດສະປາຍ), ກຸ່ມບໍລິສັດອຸດສາຫະກໍາ-ໂທລະຄົມມະນາຄົມກອງທັບ (Viettel) ແມ່ນຕາງໜ້າໜຶ່ງດຽວຂອງຫວຽດນາມ ທີ່ຈັດຕັ້ງຮ້ານວາງສະແດງ ຢູ່ງານວາງສະແດງຂຶ້ນກັບກອງປະຊຸມດັ່ງກ່າວ.
ນີ້ແມ່ນຄັ້ງທີ 4 ທີ່ກຸ່ມບໍລິສັດອຸດສາຫະກໍາ-ໂທລະຄົມມະນາຄົມກອງທັບ Viettel ມີໜ້າຢູ່ເຫດການປະຈໍາປີໃຫຍ່ທີ່ສຸດຂອງຂະແໜງໂທລະສັບມືຖືໂລກ. ທີ່ກອງປະຊຸມໂທລະສັບມືຖືໂລກ ປີ 2018 (MWC 2018), Viettel ໄດ້ແນະນໍາ 8 ຜະລິດຕະພັນ, ບໍລິການທີ່ພົ້ນເດັ່ນໂດຍ Viettel ຄົ້ນຄວ້າພັດທະນາເອງໃນຫຼາຍຂົງເຂດຄື: ການສຶກສາ, ຄວາມປອດໄພທາງອິນເຕີແນັດ, ການທ່ອງທ່ຽວ, ບັນດາມາດຕະການປົກປ້ອງຜູ້ຊົມໃຊ້... ເຊິ່ງໄດ້ຜັນຂະຫຍາຍສໍາເລັດຢູ່ຫວຽດນາມ ແລະຕະຫຼາດສາກົນຫຼາຍແຫ່ງ.
|
|
ຮ້ານວາງສະແດງຂອງ Viettel ພົ້ນເດັ່ນດ້ວຍຮູບພາບກຸບຂອງຫວຽດນາມ. ພາບ: ມາຍເຮືອງ |
|
|
ແນະນໍາເຖິງຜູ້ມາຢ້ຽມຊົມບັນດາຜະລິດຕະພັນເຕັກໂນໂລຢີສູງ ໂດຍ Viettel ພັດທະນາ. ພາບ: ມາຍເຮືອງ |
|
|
ເຂົ້າຮ່ວມນໍາໃຊ້ຜະລິດຕະພັນເຕັກໂນໂລຢີສູງຂອງ Viettel. ພາບ: ມາຍເຮືອງ |
|
|
ລູກຄ້າສາກົນຫຼາຍຄົນ ໄດ້ມາຢ້ຽມຊົມເພື່ອຊອກຫາກາລະໂອກາດຮ່ວມມືກັບ Viettel. ພາບ: ມາຍເຮືອງ. |
ທ່ານ ຕ່າວດຶກຖັ໋ງ, ຮອງຜູ້ອໍານວຍການໃຫຍ່ Viettel ໃຫ້ຮູ້ວ່າ: “ເມື່ອນໍາເອົາບັນດາຜະລິດຕະພັນ, ມາດຕະການແກ້ໄຂຂອງຕົນເຖິງ MWC 2018, ພວກຂ້າພະເຈົ້າປາດຖະໜາຢາກນໍາມາເຊິ່ງມູມມອງທີ່ແຕກຕ່າງກ່ຽວກັບການປະຕິວັດອຸດສາຫະກໍາ 4.0. ນັ້ນແມ່ນສໍາລັບ Viettel, ສິ່ງໃດກໍ່ສາມາດເກີດຂຶ້ນໄດ້, ສິ່ງໃດກໍ່ສາມາດປະດິດສ້າງຂຶ້ນ. Viettel ຖືວ່າໃນການປະຕິວັດ 4.0, ຫວຽດນາມ ອາດສາມາດສ້າງບັນດາຜະລິດຕະພັນເຕັກໂນໂລຢີແກ່ງແຍ້ງກັບໂລກໄດ້ຍ້ອນມີການຄົ້ນຄວ້າຈາກບັນດາຄວາມຕ້ອງການຂອງຊີວິດ ແລະເມື່ອແກ້ໄຂເປັນຢ່າງດີຢູ່ຫວຽດນາມ, ພວກເຮົາສາມາດມີຄວາມເຊື່ອໝັ້ນຕົນເອງສະເໜີຕໍ່ໂລກ”.
ແປໂດຍ: ທູຈາງ