ວາດພາບບັນດາຄວາມຊົງຈໍາທີ່ສັກກາລະບູຊາແຫ່ງສາຍໃຈອ້າຍນ້ອງຫວຽດນາມ - ລາວ
ກປ.ອອນໄລ - ຕອນຄໍ່າວັນທີ 21 ມັງກອນ, ຢູ່ສຸສານນັກຮົບເສຍສະຫຼະຊີວິດເພື່ອຊາດສາກົນຫວຽດນາມ-ລາວ, (ເມືອງແອັງເຊີນ, ແຂວງເງ້ອານ) ໄດ້ດໍາເນີນລາຍການສະແດງສິລະປະ “ບັນດາຄວາມຊົງຈໍາທີ່ສັກກາລະບູຊາ” ວາດພາບໃຫ້ເຫັນບັນຍາກາດອັນສະຫງ່າອົງອາດຂອງສະໄໝສົງຄາມທີ່ດຸເດືອດ ເພື່ອສະເຫຼີມສະຫຼອງ 70 ປີແຫ່ງການຮ່ວມສໍາພັນສູ້ຮົບຫວຽດນາມ - ລາວ.
ລາຍການໂດຍແຂວງ ເງ້ອານ, ສະມາຄົມມິດຕະພາບຫວຽດນາມ - ລາວ ສົມທົບກັບສະຖານີວິທະຍຸກະຈາຍສຽງຫວຽດນາມ ແລະສະຖານີໂທລະພາບເຕັກນິກດີຈີຕອນ VTC ຈັດຕັ້ງ.
    |
 |
|
ຮູບພາບທະຫານຫວຽດນາມບົນດິນແດນເພື່ອນມິດລາວ. ພາບ: ສໍານັກຂ່າວສານຫວຽດນາມ. |
ເຂົ້າຮ່ວມລາຍການມີທ່ານນາງ ຕ່ອງທິຟ໋ອງ ກໍາມະການກົມການເມືອງ, ຮອງປະທານຜູ້ປະຈໍາການສະພາແຫ່ງຊາດຫວຽດນາມ, ພ້ອມດ້ວຍບັນດາທະຫານເສຍອົງຄະ, ຍາດຕິພີ່ນ້ອງບັນດານັກຮົບທີ່ເສຍສະຫຼະຊີວິດເພື່ອຄວາມເປັນເອກະລາດຂອງປະເທດເພື່ອນມິດລາວອ້າຍນ້ອງ ແລະປະຊາຊົນເມືອງແອັງເຊີນ ເຂົ້າຮ່ວມເປັນຈໍານວນຫຼວງຫຼາຍ.
|
|
 |
|
ທ່ານນາງ ຕ່ອງທິຟ໋ອງ ຮອງປະທານຜູ້ປະຈໍາການສະພາແຫ່ງຊາດຫວຽດນາມ ຖະຫວາຍທູບທຽນຢູ່ສຸສານນັກຮົບເສຍສະຫຼະຊີວິດເພື່ອຊາດສາກົນຫວຽດນາມ-ລາວ. ພາບ: ສໍານັກຂ່າວສານຫວຽດນາມ. |
ກ່າວຄໍາເຫັນທີ່ລາຍການ, ທ່ານນາງ ຕ່ອງທິຟ໋ອງ ໄດ້ສະແດງຄວາມສະເທືອນໃຈທີ່ໄດ້ກັບຄືນສຸສານນັກຮົບເສຍສະຫຼະຊີວິດເພື່ອຊາດສາກົນຫວຽດນາມ-ລາວ, ບ່ອນທີ່ມີກວ່າໜຶ່ງໝື່ນຫຼຸມຝັງສົບທະຫານອາສາສະໝັກຫວຽດນາມທີ່ໄດ້ເສຍສະຫຼະຊີວິດເພື່ອນໍ້າໃຈມິດຕະພາບສາກົນອັນສູງສົ່ງຢູ່ທີ່ບັນດາແນວຮົບຂອງລາວ, ພິເສດແມ່ນຢູ່ສະໜາມຮົບທົ່ງໄຫຫີນ - ຊຽງຂວາງ.
ທ່ານນາງ ຕ່ອງທິຟ໋ອງ ເຊື່ອໝັ້ນວ່າສຸສານນັກຮົບເສຍສະຫຼະຊີວິດເພື່ອຊາດສາກົນຫວຽດນາມ-ລາວ ຢູ່ເມືອງແອັງເຊີນຈະແມ່ນສະຖານທີ່ທີ່ດຶງດູດແຂກທ່ອງທ່ຽວທັງຢູ່ພາຍໃນ ແລະຕ່າງປະເທດມາຢ້ຽມຢາມເພື່ອສະແດງຄວາມຮູ້ບຸນຄຸນ ແລະອາໄລຫາບັນດານັກຮົບທີ່ເສຍສະຫຼະຊີວິດເພື່ອຊາດ, ພ້ອມທັງມາຢາມເມືອງແອັງເຊີນ, ຢ້ຽມຢາມເຂດທີ່ໝັ້ນມົນເຊີນ, ເມືອງກອນກວງ...
ໂດຍ: ດັ້ງເກື່ອງ