ນັບແຕ່ວັນທີ 1 ມັງກອນ, ເລີ່ມປະຕິບັດການປ່ຽນເຄືອຂ່າຍດ້ວຍວິທີຮັກສາເບີໂທເດີມໃຫ້ແກ່ເບີຕື່ມເງິນ
ກປ.ອອນໄລ - ນັບແຕ່ວັນທີ 1 ມັງກອນ 2019, ເບີຕື່ມເງິນກວ່າ 120 ລ້ານເບີຂອງທັງ 4 ບໍລິສັດໂທລະຄົມມະນາຄົມນັ້ນແມ່ນ VinaPhone, Viettel, MobiFone ແລະ Vietnamobile ລ້ວນແຕ່ສາມາດປະຕິບັດການປ່ຽນເຄືອຂ່າຍດ້ວຍວິທີຮັກສາເບີໂທເດີມ.
ຕາມກະຊວງຖະແຫຼງຂ່າວ ແລະສື່ສານຫວຽດນາມແລ້ວ, ປັດຈຸບັນຈໍານວນເບີໂທລະສັບມືຖືທັງໝົດຂອງຫວຽດນາມ ແມ່ນປະມານ 130 ລ້ານເບີ, ໃນນັ້ນເບີລາຍເດືອນກວມເອົາພຽງແຕ່ 5% ເທົ່ານັ້ນ. ສະນັ້ນຈະມີເບີຕື່ມເງິນປະມານ 120 ລ້ານເບີອາດຈະໄດ້ໝູນໃຊ້ນະໂຍບາຍປ່ຽນເຄືອຂ່າຍດ້ວຍວິທີຮັກສາເບີເດີມ.
|
|
ລູກຄ້າລົງທະບຽນບໍລິການໂທລະຄົມມະນາຄົມຂອງ VNPT. ພາບ: ວັນຟອງ. |
ກ່ອນໜ້ານັ້ນ, ແຕ່ວັນທີ 16 ພະຈິກ 2018, Viettel, VinaPhone, MobiFone ໄດ້ສະໜອງບໍລິການໃຫ້ເບີລາຍເດືອນປ່ຽນເຄືອຂ່າຍດ້ວຍວິທີຮັກສາເບີເດີມ. ຕາມກະຊວງຖະແຫຼງຂ່າວ ແລະສື່ສານແລ້ວ, ການບໍລິການປ່ຽນເຄືອຂ່າຍຮັກສາເບີເດີມໄດ້ຜັນຂະຫຍາຍຈະນໍາມາເຊິ່ງຜົນປະໂຫຍດຫຼາຍຢ່າງໃຫ້ແກ່ຕະຫຼາດໂທລະຄົມມະນາຄົມ, ວິສາຫະກິດໂທລະຄົມມະນາຄົມ, ເບີໂທລະສັບມືຖື ແລະຕອບສະໜອງເປົ້າໝາຍຄຸ້ມຄອງຂອງອົງການຄຸ້ມຄອງລັດ.
ພາຍຫຼັງຜັນຂະຫຍາຍການບໍລິການປ່ຽນເຄືອຂ່າຍດ້ວຍວິທີຮັກສາເບີໂທເດີມໃຫ້ແກ່ເບີລາຍເດືອນມາເປັນເວລາ 1 ເດືອນ, VinaPhone ໄດ້ຮັບເອົາເບີໂທລະສັບຫຼາຍພັນເບີຈາກບັນດາບໍລິສັດໂທລະຄົມມະນາຄົມອື່ນ.
ໃນຂະນະນັ້ນ, ກຸ່ມບໍລິສັດອຸດສາຫະກໍາ-ໂທລະຄົມມະນາຄົມກອງທັບ (Viettel) ກໍ່ປະກາດສະໜອງການບໍລິການປ່ຽນເຄືອຂ່າຍໄປເປັນເຄືອຂ່າຍ Viettel ດ້ວຍການຮັກສາເບີໂທເດີມຢ່າງເປັນທາງການໃຫ້ແກ່ເບີຕື່ມເງິນແຕ່ວັນທີ 1 ມັງກອນ 2019.
|
|
ລົງທະບຽນນໍາໃຊ້ການບໍລິການໂທລະຄົມມະນາຄົມຂອງ Viettel, ລູກຄ້າຈະໄດ້ຮັບຜົນປະໂຫຍດຫຼາຍຢ່າງ. ພາບ: ວັນຟອງ. |
ເພື່ອນໍາໃຊ້ການບໍລິການຂອງ Viettel ໂດຍບໍ່ຕ້ອງປ່ຽນເບີໂທ, ລູກຄ້າກໍາລັງນໍາໃຊ້ເບີໂທລະສັບແບບຕື່ມເງິນສາມາດເລືອກວິທີຕ່າງໆ ຄື: ລູກຄ້າສາມາດໄປຫາສູນບໍລິການລູກຄ້າ Viettel ໂດຍກົງ, ເຂົ້າ App My Viettel, ລົງທະບຽນປ່ຽນເຄືອຂ່າຍຜ່ານເວັບໄຊ http://viettel.vn ຫຼື ຕິດຕໍ່ສູນຕາມເບີໂທລະສັບ 18008098 ເພື່ອໄດ້ຮັບການໜູນຊ່ວຍ ແລະລົງທະບຽນປ່ຽນເຄືອຂ່າຍຢູ່ເຮືອນ.
|
|
MobiFone ກະກຽມພື້ນຖານໂຄງລ່າງເຕັກນິກເພື່ອຮັບໃຊ້ລູກຄ້າ. ພາບ: ວັນຟອງ. |
ກໍ່ຄືກັນກັບສອງບໍລິສັດໂທລະຄົມມະນາຄົມດັ່ງກ່າວ, ບໍລິສັດໃຫຍ່ໂທລະຄົມມະນາຄົມ MobiFone ກໍ່ກະກຽມບັນດາເງື່ອນໄຂໃຫ້ແກ່ການຜັນຂະຫຍາຍການສະໜອງບໍລິການປ່ຽນເຄືອຂ່າຍຮັກສາເບີໂທເດີມ (MNP) ຢ່າງເປັນທາງການໃຫ້ແກ່ເບີໂທລະສັບແບບຕື່ມເງິນຕາມແຜນນະໂຍບາຍຂອງກະຊວງຖະແຫຼງຂ່າວ ແລະສື່ສານ, ນັບແຕ່ວັນທີ 1 ມັງກອນ 2019.
ໂດຍ: ໄຊຊະນະ