ແຈ້ງເຕືອນສະພາບແວດລ້ອມທຳມະຊາດທາງທະເລຈະຫາຍໄປພາຍໃນອີກ 50 ປີ
ການຄົ້ນຄວ້າລາຍການໜຶ່ງໃຫ້ຮູ້ວ່າ ການເຄື່ອນໄຫວຂົນສົ່ງທາງທະເລສະພາບເຊື່ອມພິດການຄົ້ນຫາສິນທະເລຈົນບົກແຫ້ງ ແລະອື່ນໆນັບວ່າເປັນສາຍເຫດເຮັດໃຫ້ເນື້ອທີ່ຂອງເຂດທະເລທີ່ເປັນ “ທຳມະຊາດ” ລົງໄປຍັງເຫຼືອພຽງ 13% ຂອງບັນດາມະຫາສະໝຸດໃນໂລກ...
ການຄົ້ນຄວ້າລາຍການໜຶ່ງ ຊຶ່ງນຳລົງພິມໃນວາລະສານ Current Biology ຂອງອົດສະຕາລີ ເມື່ອບໍ່ດົນມານີ້ໃຫ້ຮູ້ວ່າ ການເຄື່ອນໄຫວຂົນສົ່ງທາງທະເລສະພາບເຊື່ອມພິດການຄົ້ນຫາສິນທະເລຈົນບົກແຫ້ງ ແລະອື່ນໆນັບວ່າເປັນສາຍເຫດເຮັດໃຫ້ເນື້ອທີ່ຂອງເຂດທະເລທີ່ເປັນ “ທຳມະຊາດ” ລົງໄປຍັງເຫຼືອພຽງ 13% ຂອງບັນດາມະຫາສະໝຸດໃນໂລກ, ພ້ອມກັນນັ້ນກໍ໋ແຈ້ງເຕືອນວ່າ ສິ່ງແວດລ້ອມທາງທະເລນີ້ອາດຈະຫາຍຕົວໄປທັງໝົດໃນເຄິ່ງສະຕະວັດ (50 ປີ) ຕໍ່ໜ້າ.
    |
 |
|
ພາບປະກອບຈາກ: ສໍານັກຂ່າວສານຫວຽດນາມ. |
ອີງໃສ່ການວິໄຈເຖິງຜົນກະທົບຈາກການເຄື່ອນໄຫວຂອງຄົນທີ່ມີຕໍ່ລະບົບນິເວດຂອງທະເລນັ້ນ ບັນດານັກຄົ້ນຄວ້າສາກົນໄດ້ຊີ້ອອກວ່າເຂດທະເລຕ່າງໆທີ່ຖືວ່າເປັນ “ທຳມະຊາດ” ມີຄວາມໝາຍວ່າ “ສ່ວນຫຼາຍຍັງບໍ່ທັນໄດ້ຮັບຜົນກະທົບຈາກການເຄື່ອນໄຫວຂອງຜູ້ຄົນ.” ສ່ວນເກາະທະເລທີ່ຍັງເຫຼືອຖືວ່າເປັນທຳມະຊາດໃນປັດຈຸບັນນີ້ຍັງເຫຼືອຢູ່ພຽງທີ່ຂົ້ວໂລກເໜືອຂົ້ວໂລກໃຕ້ ແລະອ້ອມແອ້ມເກາະດອນທີ່ຫ່າງໄກໃນມະຫາສະໝຸດປາຊີຟິກເທົ່ານັ້ນ.
ໃນການຄົ້ນຄວ້າດັ່ງກ່າວບັນດານັກວິທະຍາສາດ ໄດ້ຮຽກຮ້ອງໄປຍັງປະເທດຕ່າງໆໃຫ້ປະສານງານກັນເພື່ອດັດແກ້ມະຫາສະໝຸດຕ່າງໆໃນໂລກໃຫ້ເໝາະສົມສະກັດກັ້ນການຄົ້ນຫາສິນທະເລຈົນບົກແຫ້ງ ແລະຈຳກັດການເຄື່ອນໄຫວຂຸດຄົ້ນແຮ່ທາດໃຕ້ທະເລທີ່ເປັນການທຳລາຍ.
ຂ່າວ: ວຽງຈັນໃໝ່